Johnestone monrow The saide day Androw Johnesone quhitfischear' was conuict' be ane suorne assis' Androw fyf forspekar for strubulance of gelis monrow and hurting of him for the quhlkis he was in ane Amerciament of the court et cetera and to Amend' as law wile and forber' in tym to cum Ande anent the wranguis' Cuttingis of the said' Androuis lyne clamit and follouit be him one the said' geleys It was continevit be the saide assis' to friday that nixt Cumis that mastiris of fische batis vnsuspect mycht be warnit to cum and help to decid' quethir thar was wrang done or nocht in the Cutting of the said' lyne Ande atour It was deliuerit and ordanit be the saide assis' for the Amendis that the saide Androw Johneson' sale pay fourty schillinigs tharof tuenty schillingis betuix this and alhallous day nixt hereftir Ande vthir xx s' be yule next thareftir equaly betuix the saide geleys and george barbour' that lechit and helyt the saide man to be distribuit Ande gif euere ony of the saide partiis happinis tile offend tile vthir and beis conuict tharof sale pay fiwe merkis to Sanct nicholes werk vnforgevin / batht the saide partiis being oblist be the fathtis of thar bodiis thar' handis vphaldin to stande and abid' at the deliuerance of the said' assis' obefor

Kintor Kyntor The saide day It was deliuerit be ane Suorne assis' Johne Ratre forspekar that Dauy Kintor Is quyt of the quhit clatht and of the wranguis' Intrometting of ane brassyne pott clamyt be marione' Kyntor his sistir

geleys and george barbour' that lechit and helyt the saide man to be distribuit Ande gif euere ony of the saide partiis happinis tile offend tile vthir and beis conuict tharof sale pay fiwe merkis to Sanct nicholes werk vnforgevin / batht the saide partiis being oblist be the fathtis of thar bodiis thar' handis vphaldin to stande and abid' at the deliuerance of the said' assis' obefor

quereour' mvnk The said day Johne quereour' was conuict be ane suorne assis' Androw fyff forspekar for strubulance of Johne mvnk for the quhilkis the saide Johne quereour was in ane amerciament of the court et cetera and tile amend' as law wile and forber' in tym to cum ffor the quhilkis It was ordanit be the saide assis' Ande euire ony of the said' partiis happinis tile offend' tile vthir and beis conuict tharof sale pay xx s' to Sanct nicholes werk vnforgevin and the said' Johne querour tile sit one his kne and ask the said' Johne mvnk forgivnes

Coupar Robert harbotyle Inglisman The secunde day of September the yer' of gode jM vc and fiwe yeris Alexander Coupar burges of abirdene grantit him aving to Robert harbotile Inglisman procurator tile the executoris of vmquhile Robert Dvnhame Inglisman quhome god' assolye tuenty thre barrellis of the Inglis' bynd' to be pait to the bringar of this Act at the fest of the Natiuite of Sanct Johne the baptist callit mydsomir nixt eftir follouing the dat of this act the Rassauor' of the said' barrellis payand' to the saide Alexander tua schillingis scottis money at the Resat of the said' barrellis