lammyntoun smytht The saide day thomas lamyntoun' oblist him lauchfully to refund ande pay to george smytht the costis ande the expensis maide of the bref of Inquest of our Souerane lordis chapell rasit one the behalf of Johnne smytht his sone Ande to bring him hame ane vthir bref of Inquest of our Souerane lordis lordis chapell in siclik forme one his expens' gif the said thomas ande georg accordis nocht betuix this ande the fest of michaelmes' nixt heireftir

Dauid Kyntor et mariota Kyntor The said' day marione of Kintor was conuict be ane Suorne assis' Johannes Retre forspekar for trubulance of Dauy Kintor Ande the said' conuict for strubulance of the saide marioun' his sistir Ilkan tile amende as lawe wile and forber' in tyme Cum et cetera And' atour It was deliuerit be the saide assis' gif ony of the said' pertiis trubulis and offendis vthir and beis conuict' tharof thai sale pay xx s' to Sanct nicholes werk vnforgevin'

The saide day it was deliuerit be ane Suorne assis' Johne Ratre forspekar that Dauy Kintor sale pay to marione Kintor his sistir ane bole of malt of this newe Croipe for the clame of Certane lynt

Curia balliuorum balliuorum burgi de abirdene tenta In pretorio eiusdem primo die mensis Augusti Septembris anno quo supra

Kintor Watson' The saide day It was deliuerit be ane Suorne assis' Johne Ratre forspekar that Dauy Kintor sale preiwe one monunday that nixt cumis that he fande William Watsonis hors' in his corne or skatht and that being preuit the borghe' fundin one him be the saide William that wranguislie he hed' takin ane hors' of his is of nayne availe Ande gif he falyeis in the saide prewe the said' borghe' Is availe