Emenda Mathei branche The said day mathou branche oblist hyme be the faitht of his bodie to stande and Abide at the ordinance ande deliuerance of the counsaile of his awin fre wile and motiwe Anent the offence done to ser Johne stirueling quhilk dependit in the spirituale lawe ande at the instance of alexander menyeis Johne of cullan and vtheris the saide ser Johne was content It was referrit to the saide counsale quhilkis riplie auisit the allegacionis ande resonis of baitht the saide partiis harde and vnderstande deliuerit and ordanit the saide mathou to ask the balyeis forgifnes for the offence committit in the court ande to mak faitht and suer the gret aithe that he spak neuere nor thocht that the saide sere hede done ony wrang in the making of act follouit one him in this court and the spirituale court Ande that the saide act is leile and treue in ale ponntis Ande that the saide sere Johne Is ane leile trewe famous' man and notor in al his dowingis Item Ordanit the saide mathoue to besek the consale to mak instance to the said' sere Johne to ramyt him the said offence Ande sit one his kneis ane ask the saide ser Johne forgefnes Ande thareftor the sadi mathou deponit the gret aitht that the saide sere Johne was leile faithfule and trewe man and notor in ale his dowingis Ande hed med the said act Ande ale ponntis contenit in It Ande that the saide was leile and treue in ale ponntis contenit in It Alsua the said mathou askit the saide bailyeis and notar forgefnes and fulfillit ale ponntis befor writin Alsua thai ordanit the said mathou to pay ane stane of wax to the haly blude licht at the wile of the saide sere Johne Alsua thai ordanit the saide mathou to pay tuentj pundis scottis money to sanct nicholes wark vnforgewin giwe euere he makis ony office to the said' ser Johne in tim to cum Ande to pay to the saide sere Johne vj s' ij d' for the expensis maide in the said' matir Ita fuit ut prefertur teste me Andrea craufurd notario publico hic subscribenti sub meo signo manuali Andreas craufurd

blinsele mydilton' The saide day the borghe' fundin one Sandy blinsele be Johne mydiletone for the wranguis' Intrometting with demi last querd of Salmonde was continevit be ane Suorne assis' Dauid mar' forspekar quhile friday that next Cumis that mastiris of the cavile conuenit et cetera

gothtray gray Eodem die Alexander gothtray conuictus fuit per asissam Juratam ex ore Dauid mar' prelocutoris eiusdem pro perturbacio Roberti gray et cetera et Soluet eidem ij s' pro emenda Et Idem Robertus fuir pro perturbio dicti alexandri et cetera et quilibet emendabit ut Jura volunt

Prat Stevinson' The saide day Androw stevinsone accusit be ansuer' to the borghe' fundin one him be Alexander Prat for the wranguis' haldin fra him of xiij s' g' denyit the saide borghe' Offering him redy tile vndirle deliuerance of ane assis' and the saide Alexander disassentit that the saide borghe sulde pas' to the decisione of ane assis' tharfor the saide Androw protestit to be quyt of his challance tharof in tyme to Cum

Syme ellon' Ramsay The saide day Syme ellon' lauchfullie warnit callit and nocht comperit to ansuer to the wif of Johne ramsay for the wranguis' haldin fra hir' of demi barell Salmonde tharfor the balyeis ordanit the Officiaris to warne him to Comper' one friday that nixt cumis tile ansuer In the premiss'