chepman The saide day Robert chepman assignit the ferme and malys of his lande liande in futy and this towne to Williame futhes James Colison' and Duncan Colisone his Curatis to Sustene him in mett drink and clatht quhile he cum to perfit Age

Waus prat The saide day Elizabetht Waus exponit be Johne James Colisone hir forspekar that it was presumit and dred' of the deide of Dauy prat hir Sone and cristy prat his procurator hede his Seile and chartiris in kepin tharfor scho protestit Solemptlie quhat euire he did' tharwitht suld' turne the ayris of the saide' Dauy to nay preiudice

Cullan branche The saide day Androw Cullane askit xiiij s' of maile fra mathow branche extentis vij li' of hempe / quhilkis the saide mathow allegit pait Ande tuk to preiwe his pament one mununday that nixt cumis befor the balyeis

The saide day comperit Robert blinsele forspekar for Androw mortymer and Solemptlie protest quhat euire was done be Robert chepman Sone and ayr to vmquhile thomas chepman suld' nocht turne the saide Androvis wif nor barnis to preiudice sene scho is appering ayr' to the saide Robert

age And nowe I the saide Robert nocht circumuenit compellit nor constrengyeit bot of my awin free will and motiwe I cheis' makis constitutis ande ordanis Williame futhes James collisoun' and Duncan collisoune coniunctly and Seueraly my curatis Irreuocable to Intromett Reule and gouerne me my landis and gudis to my proffit ay and quhile I cum to perfit age eftir the forme of oue Souerane lordis lawis And tharupone ser Notar I ask ane Instrument And your' Seilis sere bailyeis I ask and protestis to be appensit to the samyn And this writ to be extentit and delatit sere Notar in the sickerast wis' ye cane or May one my expens' et cetera Robertus chepman manu propria et cetera