The saide day It was Statut and ordanit be the aldirman ballieis and counsale that euire nychtbour Induellar' of this burghe' sal byg and vpmak thar' dikis bak dikis Syddkikis and ale vthir partis of thar' yardis quharthrow thar nichtbouris may be skathtles tharof In tyme to Cum Ande this vndir the payn' of brekin of common ordinance Ande the partj be or persone brekande this Statut and commone ordinance and beis conuict' tharof sale pay xl s' to Sanct nicholes werk vnforgevin Ande mak satisfactioun' and reconpensacioun' to the partj and personis thar' nychtbouris of the skatht Sustenit be thame in defalt of nychtburschipe Ande Ilkane tennent Inhabitan' the landis quhar the dikis happinnis to be falty sal vpmak and big the saide dikis and the expens' maide be thame tharupoun' salbe allouit in thar malys

The saide day It was deliuerit and ordanit be ane Suorne assis' Duncan colison' forspekar that gif euire Nicholl bevmonde and Alexander prat or ony ane of tham hapinnis to trubule Johne Riburne or yet the siade Johne to perturbe ony ane of tham Ilke persone committing trubulance sale pay xxti s' to Sanct nicholes werk vnforgevin the saide partiis being oblist be the fathtis of thar bodiis to stande to the saide deliuerance

The saide day the aldirmane ballieis ande diuers' of the Counsale ande Communite representande the body of the towne Riplie avisit grauntit fre licence ande leyf Ande be this present actis licencis ande lewis thar familiar' clerk mastir Androw Crauferde chapellane perpertuale of Sanct Peteris altar for ale the termes of fywe yeris Immediatlie next hereftir to pas' quhar' euire he emples' prayande for the Saulis of the foundouris of the Samyne sayfer' as thai may for the bigyne ande reformacioun' done and to be done vpoun' ane tennent and lande pertening to the saide altar quhilk is Ruinous' and standis In poynt of tynsele without It be Reformit biggit and mendit

Kintor Colp The saide day It was deliuerit be ane Suorne assis' Duncan Colison' forspekar that William Kintor sale preiwe Samekile' of his maile pait to William Colp or to Dauy his Sone And specialie of the Costis and expens' maid' one the hous' that he has in tak one the law day next eftir Pasche Immediate follouing And quhat beys vnpait he sall pay It to the saide Williame or Dauid

burnat et vxor gilberti litstar The saide day Androu burnat skynnar grantit him aving to the spous' of gilbert litstar aucht stanez' of wole als' gude Stuf as scho cane preiwe he saulde to hir quhilkis he gravntit to pay within terme of law Ande In continent the ballieis chargit him to pay the saide wole within terme of law