The saide day Androw Cullane follouit the borghe' fundyne be him one Johne arthour for the wranguis withhaldin fra him of Certane hidis extending to the Some of xxix cronis Scottis money or tharby of the rest of ane quartar' of Certane wynez' and cardis bocht fra Nicholes and richerd' franchmen be alexander Rede James Colisone him and the saide Johne that he aw to recompens' and pay for the saide xxix cronis' of the rest of his part of the saide merchandice et cetera quhilkis borghe' the saide Johne Arthour' denyit Ande in continent the saide borghe was put to the decisione of ane Suorne assis' quhilkis riplie auisit the richtis resonis' and allegacionis of batht the saide partiis herde and vndirstandin deliuerit be the moutht of Robert blinsele forspekar of the said assis' that thai coude nocht deliuere Anent the said' borghe' for thar was nay witnesing producit befor thame bot the allegeance of the said' partiis tharfor thai continevit the decisioune of the said' borghe' quhile eftir michaelmes nixt to Cum quhile the Agane Cumin of the said' nicholes and Richerde franchmen' but preiudice of ony party that thai mycht declar' the verite in the said' matir

The saide day Androw Cullan disassentit to the continuacioun' of the saide borghe' Requiring the aldirman and ballieis for ministracioun of Justice Allegeande that the saide borghe' sulde haue be decidit and protestit for Remede of law and tharof tuk Instrument of me sere Johne Stirueling clerk and notar Acta in pretorio dicti burgi hoc xijma in meredie testibus Alexandro Rede alexandro chamer Jacobo Colisone Johanne talyour thoma Robertsone Willelmo scrimgeor et Andrea nachtj seriandis

the said mastir William his ayris executoris and assignez for him ande the said Jonet thar ayris executoris and assignez now and for euere

males' the wif of Alexander gray et cetera The said day meg males' was conuict be ane suorne assis' patry red forspekar for the strubulance of the wif of Alexander gray for the quhilkis scho was in ane amerciament of the court And to amend as law will and forbeir in tyme to cum

Alexander red et alexander gray magister fabrice ecclesie The said day Alexander gray mastir of the kirk werk grantit that he hede ressauit fra Alexander rede his maile of his half nethis fisching of Done' of the termes of mertimes in winter and witsonday Inmediate gangand befor the daie of this act' And ane barrell of Salmond' promittit to sanct nicholes' werk