Curia balliuorum de Abirdene tenta in pretorio eiusdem penultimo die mensis Aprilis Anno quo supra

The said day Duncan fyf said' to the aldirman he walde nocht decist fra the occupeing and fischeing of ane demi nethis of the Raik / becaus' his fadir has pait his girssome for the samyn and offerit him to prewe it the toune assignand' to him ane day

the saide day Alexander menyeis aldirman In presence of the counsale and with thar' avis' offerit to Duncan fyf procurator to thomas fyf his fadir ane nethis fischiningis of the pott for this yer' Ande the saide Duncan denyit that his fadir hed' ony richt to the saide fischingis of the pott Ande refusit vtirlie to tak it or Intromett tharwith

The said' day the aldirman ballieis and counsal grantit to gif Wille Wricht fiwe Schillingis in the yer' and sere Androw Colisone Collector Accidental' of Abirdene and mastir Alexander fif In the name of the chaplannis grant to ger gif vthir fiwe schillingis In the yer' to the said' Wille for his gude seruice to be done to by him ane govn'

Ruthirfurd' litster' The saide day Richerde litster lauchfullie warnit be Williame scrimgeor and nocht comperit tile Ansuer' tile sere Johne ruthirfurde for the distruction' and slauchtir of his scheipe with his doggis vnlauchfull bestis and tharfor the aldirman and balyeis ordanit the saide Officiar' to pas' to the saide Richerde and tak ane stres' and latt it Agane to borghe and it be askit and warne him to Comper one monunday the vj day of maij next to cum et cetera tile Ansuer' to the said' knicht In the saide Actioun'