The saide day It was was statut ordanit and deliuerit be the Counsale that ther' sale nay aile be sauld' derrar' thane viij d' the galloun' within this burghe' quhile michaelmes day next hereftir Ande gif ony persone or personis beis fundin Selling ony ale derrar' In continent the ballieis sale pas' and strik and ding furtht thar caldroun or leid' bodum and seclude and expell thame fra brevin and Selling of aile for ane yer' Ande gif ony gudman ples' to ger' brewe to him barrell les' or mair' of ony quantite or of ony price it salbe lesum to brewe the samyn and thai to ger' beir' it avay in the wescheall haill and nocht to feche nor' tap it In quart nor pont

The saide day William Kintor grantit him aving to Androw lousone xv s' and viij d' for ane cow quhilkis the balyeis chargit him to pay within terme of law

Curia balliuorum burgi de Abirdene tenta In pretorio eiusdem xix die mensis Aprilis anno quo supra

The saide day It was appontit and aggreit betuix Androw Cullane and thome laisk that the ayris ande thar tutoris of vmquhile Robert of Cullane sale bruk the croftis set to the saide Robert be vmquhile Adam of Cullane and his spous' for this Croipe to the fest of michaelmes' day next hereftir for the maile contenit in the assedacioun' And this croipe being of the grovnde the saide assedacioun salbe expirit et cetera

Rede murray The said' day the aldirman and ballieis assignit friday the x day of maij next to Cum to patry Rede tile ansuer' to the borghe' fundin one him be Androw murray for the wranguis' haldin fra him of ane barrele of Salmond' and discernit the Copy of the saide borghe to the said' patry