fadir bruthir to the saide thomas nerest and mast tendir to the haue the keping and gouernance of his heretage ayrschipe ande gudis now in his absence furthe' of oure realme that tharfor he intromett witht the tenmentis bigingis takis stedyngis ande vthir movabile gudis perteninge to the saide thomas be resone of arschipe throue the deces' of the saide vmquhill Williame his fadir brudir quhill his cumin withtin oure Realme quhar thar Is nane vthir personis in state nor desing in the saide tenmentis landis ande bigingis the saide alexander findand Caucioun' to ws for the profittis of the samyne' as efferis ande this ye do as ye will ansuer to ws tharuppone' ande vndir ale pane and charge that eftir maij followe Deliueringe thire oure lettres be youe deuly execut ande Indorsat agane to the berar gevin vnder out signet at Edinburghe' the xv day of marche ande of oure Regne the xv yer . et cetera deliberacione dominorum consilij et cetera Douglas quhilk lettir being rede the vndirstande the saide Alexander askit deliuerance of the said gudis of ayrschip eftir the tenor of the said lettres Ande the said margaret Offerit hir' Redy to deliuer the samyn gudis scho havande Sufficient Caucion' tharfor as efferis

Anno Dominj Millesimo quinqagesimo tercio The gravnt of the assedacionis of wattis and fischingis for the furnising of the honorabill men' passand' tile our Souerance lordis marage

The saide day the ballieis Counsale ande Communite Warnit and chargit be the hande bell throw the haill tovne Ande be the sergeandis at commavnde of our Souerane lordis lettres for the passage of ane part of the best and wortheast of the samyn to the fest of our Souerane lordis mariage Ande ane gret part and multitude of the Consale and Communite gathtreit representande the bodie of the toune ande Circualie Inquerit be Johne mar ande thomas leslie balyeis and Williame scrimgeour sergeande grantit Consentit and ordanit to Set and to formaile lett ane thridpart of nethis fisching one the wattir of Done for threttene yeris Ande ane Sexparte of thar fischingis of the Crovis for xvj yeris quhilkis thridpart nethis fischingis vmquhile Willaime chamer hede in tak obefor Ande Androw murray the saide Sexpart of the crovis for the prouisione of expensis to thame that pass' to the saide fest of our Souerane lordis mariage et cetera Ande chesit Alexnader menyeis aldirman Robert blinsele Alexander chamer Alexander Rede Alexander mar' Will futhes and Johne rettre commissaris to Set the saide fischingis for the saide termes Ande ordanit ane commission' to be gevin to tham vndir thar common Sele quhilkis personis Suer' the gritt aithe to Sett the samyn fischingis eftir thar constrenye and knavlege for the commone Wele and profit of the toune Ande ordanit the keparis of the commone sele to Sele the said' commissionez' ane and may concerning the sad' takis Ande ordanit to tak the formale of the said' thridpartis fischingis of Done fra the personis or personis that thai sett it to or fra margaret of Kintor now Josaris of the samyn gif Scho will tak th saide thridpartis fishcingis for xiij yeris and pay the formale tharof Item thai Assignit the maile of ane half nethis fischingis of mydchingile extending to fiwe barellis x s' and v d' in the yer' to the bigin of the kirk werk of Abirdene Interchangit and Assignit for the said' thridpartis maile of Done Ande ordanit lettres to be red' tharupon' of Assignacioun' and Interchange one the Souerastwys' and to be Selit with thar common Sell

Assedacio de le Rude malys Willelmo scrimgeour The saide day the aldirman ballieis ande Consale set and to forme lett And' be this ak Setti and to forme lattis to William scrimgeour ale and haill the rude malys of this burghe for ale the termes of Sevin yeris he entirand' with the said' malis at Witsonday immediate preceden' the dat of this act Ande frathinfurtht to Joys' and bruk the samyn for ale the termes of Sevin yeris continualie to be runnyn he payande yerlie Ilkan yer' to the tovne or thar assignez' fyve li' and tene schillingis Ande the saide Williame pait to sere Androw Coupar chaplane at the tovnis commavnde fyftj schillingis and fiwe Schillingis to the aldirman of the Witsonday terme at his Entre for the quhilkis he salbe fra at the last terme of his Assedacioun'

mar Narne The saide day the aldirman ballieis Consal and Communite present for the tyme representande the bodie of the tovne grantit licence to Johane mar ane of thair Clerkis of the queir to pass' to the scul' tile his Instructioun' Ande resaue and admittit Cristy Narne his deput and substitut to the seruing of his saide Clerkschipe Vnto the Agan Cumin of the saide Johne