Curia balliuorum burgi de Abirdene tenta In pretorio eiusdem xxjo die Julij anno quo Supra

The saide day Alexander chamer producit ane lettir of the decret of the lordis of consal vndir the Signet of the quhilkis the tenor follouis James be the grace of gode kinge of Scottis To the aldermane and balyeis of oure burgh' of Aberdene' gretinge fforsamekile as It is humlie menit ande schevin to ws be oure louit seruitour Alexander Chamer burges of Aberdene' in the name ande behalue of Thomas chamer the sone ande ayr of vmquhill thomas chamer brudir to the saide alexander ande als the bruthir sone ande ayr to vmquhill Williame chamer the saie alexander yongar bruthir quhilk Is nowe latlie decessit thar quhare the saide thomas now furthe of oure Realme . beyond sey in his merchandice quhilk Is heritar' to ane burrowlande ande tenment liande in the gallougat of oure said burghe' betuix the lande of vmquhill Richard' Kintor one the northt' part ande the lande of Johne' leslie of Warderis one the Southt' part perteninge to him in heretage as Is allegit throwe the deces' of the saide vmquhill thomas his fadire / Neuirtheles' Katrine prat mothir to the saide thomas has distroit ande lattin fal dovne' ane hous' of the saide tenment togiddir witht' the yarde of the samyne to his gret dampnage ande skaithe' ande contrar Justice ande sa be Oure will Is herfor ande we charge youe stratlie ande commandis that Incontinent thire oure lettres sene ye pas and tele the saide Katrine' befor youe ande caus' hire to mak the saide bigiage tenment ande yarde of the sammyne als gude as thai ware quhen' scho Entirit tharto ande thar yhe tak sufficient caucioun' ande souertj of the saide Katrine that thai salbe left elikwis' als' gude at hire furthpassigne fra the saides landis as thai war quhen' shco entirit to the samyne Ande atour becuas the saide Alexandiris fadir bruthir to the saide thomas nerest and mast tendir to the haue the keping and gouernance of his heretage ayrschipe ande gudis now in his absence furthe' of oure realme that tharfor he intromett witht the tenmentis bigingis takis stedyngis ande vthir movabile gudis perteninge to the saide thomas be resone of arschipe throue the deces' of the saide vmquhill Williame his fadir brudir quhill his cumin withtin oure Realme quhar thar Is nane vthir personis in state nor desing in the saide tenmentis landis ande bigingis the saide alexander findand Caucioun' to ws for the profittis of the samyne' as efferis ande this ye do as ye will ansuer to ws tharuppone' ande vndir ale pane and charge that eftir maij followe Deliueringe thire oure lettres be youe deuly execut ande Indorsat agane to the berar gevin vnder out signet at Edinburghe' the xv day of marche ande of oure Regne the xv yer . et cetera deliberacione dominorum consilij et cetera Douglas quhilk lettir being rede the vndirstande the saide Alexander askit deliuerance of the said gudis of ayrschip eftir the tenor of the said lettres Ande the said margaret Offerit hir' Redy to deliuer the samyn gudis scho havande Sufficient Caucion' tharfor as efferis

Auchneiwe The saide day Johne auchneiwe grantit to gif to Alexander rede ane belt for alsmekile of his geir'

caucio Alexandri chamer reperta margarete Kintor The saide day gilbert menyes Come Souerte be his hande landis and gudis to margaret Kintor the relict of vmquhile Williame chamer to keip defende and warande hir' and the executouris of the said' Williame thar ayris executouris and assignez' skathles and fre of ale gudis of airschip pertening to the ayr' and ayris of vmquhile the saide Williame extending to tuenty pundis resauit fra the said' margaret in tyme of the making of the act be Alexander chamer at commavnde of our' Souerane lordis Ande the saide Alexander chamer oblist him his ayris executouris and assignez be his hande landis and gudis to freithe releiwe warande and defende the saide gilbert his ayris executoris and assignez' skathles and fre of the said' Caucion and Souerte Anent the saide Ayrschipe at ale handis quhome It efferis

Rede auchneiw The saide day Johne auchneiwe grantit to gif tile Alexander Rede ane siluir belt and the saide Alexander gratit to tak It