mydiltone The said day Johne of mydiltone was conuikit be ane suorne assis' Alexander chavmer forspekar for strubulance of Johne of mar' the balye / in worde for the quhilkis he was in Ane amerciament of the court and to Amend' as law will and forber' in tyme to Cum Ande the saide Johne mar' was quyt of ale strubulance of the saide Jhone of mydiltone Ande the Amendis was continevit to monunday that nixt Cumis and referrit to the aldirman and counsale

Ruthirfurd The said day Dauid Ruthirfurde was in amerciament of the court be his avine toung grant for the Strublance of the towne in the cumin apone thome beg and hurting of him and tile amend' as law will and forber In tyme tocum

The said day It was sufficientlie previt be certane famous' witnes that Rob cordoner come Souerte be his hand vphaldin to the bailye Dauid mar for the lawte and Remaning of Androw murray his seruand for the quhilkis It was fundin be ane ward of the court that the said Robert aucht to find the said bailyhe ane seruand or ellis to Entir him the said Androw agane The quhilkis the baillies chargit him to fulfyle or he passit furtht of the tolbutht

The said day Comperit thome beg and lamentablie complenit to the aldirman and ballies that Dauid Ruthirfurd had Inuadit him and crualy / hurt within his avne lande Ande the said Dauid being accusit be the ballies denyit the said strublance be him self and ser Johnne Ruthirfurd his forspekar And in continent the said actioun' was put to the decisioun of ane assis' of thir personis that Is to say Alexander Red Johnne of Cullane Johnne of Knollis gilbert menyeis Androw murray William blinsele Thomas Waus Alexander gray mathou branche Johnne Duncansone Williame nicholsone Duncan collisone Androw Cullan patrik Red Alexander King malcome crag and Johnne' arthour quhilkis Riplie awisit the greit aitht suorne admittit and chosin be baitht the said partiies the Richtis Resonis and allegaciounis of baitht the partijs herd sene considerrit and vnderstandin witnes and prewis producit and bed deliuerit and furthgaf ale in ane voice concordand that thai culd' nocht acquit the said Dauid Ruthirfurd of the strublance of the said thome beg within his avin yard ffor the quhilkis he was in amerciament of the court and tile amend as law will and forbeir in tyme tocum And the said thome beg was quyt of ale strublance of the said Dauid be the said assis' And that was gevin for dome be the moutht of Alexander Joffrasone dempstar of the said court

The said day William chamer come Souerte to the baillies to entir georg smitht to the baillies als' sone as he may comprehend him within the town'