acquitans pro Alexandro Rede The saide day Androw Cullane grantit that he hede resauit fra Alexander rede Nyne barrellis of Salmond tharof sex barrellis quhilkis he was avande for him Selff to Sanct nicholes werk contenit in Ane act of this court buk mad' Obefor and tua barrellis for henry rede his brothir contenit in the said' act / and ane barrele that he lent obefor to Johne Cay of Sanct nicholes werk quhilkis ix barrellis of Salmond the saide Androw deliuerit for Sanct nicholes led' and acht Sex merkis of Siluer of his witsonday male last bigan of his demi nethis fischingis of Done et cetera

meldrum smytht The said day the baillies assignit friday that nixt cumis the secund day of September to georg smitht cordonar to ansuer peremptourly to the borgh' strekit one him be thomas meldrum for the wrangwis' withhaldin fra him of x s' of siluer

Curia balliuorum de Abirdene tenta In pretorio eiusdem Secundo die mensis Augustij anno quosupra

beg The said day the Alderman oppinly grantit and schew that thai had licencit and ordanit thome beg to Reman withtin towne quhile sounday that nixt cummis quhile he micht haue led his Elding and passit furtht of the towne at thar command and Now throue caus' that he is hurt and may nocht travell thai haue licenc him to Reman within the towne vnto the tyme he be haill and new warnit be thame

mydilton' meldrum The said day Johnne mydiltone lauchfully callit and nocht Comperit to follow Johnne of meldrum in the name of his wif for the Strublance done to the said Johnne mydiltone quharfor' the said Johnne of meldrum protestit to be quyt of the said Johnis Chalang vnto the tyme he be new warnit