Curia legalis tenta per balliuos burgi de Abirdene in pretorio eiusdem xijo die mensis Junij anno Dominj et cetera lxxvjto quo die secte vocate et curia affirmata et cetera
deposiciones testium Item the samyn dai the Aldirman ser Johne ruthirfurd of tarlan anent the action persewit be him againis Johne of culan of his wattir malis producit thir persons vndirwritin for previs and witnes as at the dai assignit tharto / And than the ballies gert be callit Johne of culan tocompere and here the prefis sworn and to schaw the acquittance that he allegit to haf like as he was warnit and comperit nocht quharfor the said witnes and prefis beand lachfully summond and warnit the gret aith' sworn and examinit deponit and declarit as eftir folowis / that is tosay ser Johne streviling chaplan and notar first witnes In presence of ser Dauid vaus commissar t part sittand in the con sayde and deponit / that the yer' of god jM iiiijC lxxxiiij / quhen ser Johne ruthirfurd was aldirman of abirdene my lord marscheal passit til Johne of culanis yet in the gallougate and sperit for the said Johne / for payment of his wattir mail of demi net of the Raik assignit to the said lord procuratour til lord Erskyn eftir the tenor of ane act maid tharuppon And with the Erle marschel thar was William blindsel and Dauid marr' twa of the ballies in the tym quhilkis dischargit thaim to the said lord of Johne of culanis mail . And thareftir the said lord wald haf distressit and poyndit the said Jhonnis Innys for the samen mail . And than the said Aldirman besocht the lord tosuperseid apon the poynding / and he suld pay him of the said mail And at the instance of the aldirman the lord supersedit apon the pvynding and tuke the aldirman dettour' be his hand for payment of the said mail / and dischargit the ballies and John' of culan tharof . Dauid marr' second witnes sais as the first witnes in al thing iijus 4us et vtus testes . Alexander marr' Johne the vaus and philp of Dunbrek concordis in thare deposicion with the twa first witnes . Attour William blindsel rehersit that the Erle marschel deponit to him be his aith . that he tuke til ser Johne of ruthirfurd aldirman for the said Johne for culans wattir malis and dischargit the ballies and him tharof . And that the ballies dischargit thaim of the said wattir mail to the lord of before . And that patrik myddilton' declarit be his aith in the said matir as the lord did et cetera
the samen dai the Aldirman askit at the ballies til assigne him quhare he sal get payment of xxij merkis quhilkis he has pait and gottin quittancis of / that is tosay of xiiij merkis acht to the king / four' merkis anent the lard of garntuly and v merkis of the elect of Catnes pension' maistir Alexander steuart And than the ballies and in speciale William blindsel assignit to the aldirman Johne Wormot than beand present for the payment of the said some' of xxij merkis tobe pait be him of the wattir malis of the Raik / the mydchingil and of the pot / acht to the toun' et cetera
taxatores vltimo die Junij / Jurati fuerunt ad taxacionem extentus Itineris camerarie Jacobus lesly Robertus blindsel thomas fife Johannes colison alexander reid Dauid menyes iunior Dauid mathoson et thomas prat
my lord marscheal passit til Johne of culanis yet in the gallougate and sperit for the said Johne / for payment of his wattir mail of demi net of the Raik assignit to the said lord procuratour til lord Erskyn eftir the tenor of ane act maid tharuppon And with the Erle marschel thar was William blindsel and Dauid marr' twa of the ballies in the tym quhilkis dischargit thaim to the said lord of Johne of culanis mail . And thareftir the said lord wald haf distressit and poyndit the said Jhonnis Innys for the samen mail . And than the said Aldirman besocht the lord tosuperseid apon the poynding / and he suld pay him of the said mail And at the instance of the aldirman the lord supersedit apon the pvynding and tuke the aldirman dettour' be his hand for payment of the said mail / and dischargit the ballies and John' of culan tharof . Dauid marr' second witnes sais as the first witnes in al thing iijus 4us et vtus testes . Alexander marr' Johne the vaus and philp of Dunbrek concordis in thare deposicion with the twa first witnes . Attour William blindsel rehersit that the Erle marschel deponit to him be his aith . that he tuke til ser Johne of ruthirfurd aldirman for the said Johne for culans wattir malis and dischargit the ballies and him tharof . And that the ballies dischargit thaim of the said wattir mail to the lord of before . And that patrik myddilton' declarit be his aith in the said matir as the lord did et cetera