a reid The first dai of Junij the yer of god et cetera lxxxvj before the Aldirman and ballies in Jugement Comperit Alexander reid and grantit him tobe cumin ful dettour . til ane nobil man Alexander Irvin of the Drum for fyve pundis of vsual money of Scotland anent William portar tobe pait at martymes next tocum but langar delay And the said William is oblist be his hand and gude to releve alexander reid of the payment of the said some' of v li'
dominus de Drum And It is toremembre that the xxvij dai of the moneth of maij the yer' forsaid . In presence of William blindsel ane of the ballies of abirdene Alexander Irvin of the Drum grantit him fullely content and pait be William portar of the sowme of twenty pundis . for the outequiting of a land liand in the gaistraw the quhilk land was vmquhile murtho glastreis / and laid in wed til thesaid Alexander be quhilum mage glastre for twenty pundis . the quhilk some' William portar was constrenyeit be the law be virtu of his condicion topay to the lard of Drum And the said lard of Drum before the balye forsaid has surrogate William portar in his richt of the said land to demayn the samyn and dispone tharuppon . as he mycht do
The counsale and communite inquirit be the aldirman and ballies anent the payment of lord Erskynnis pensioun sayd thai couthe nocht mak payment tharof quhil the chekkar' And gif the Erle marscheal procuratour to the said lord wald ger poynd tharfor before the said tym of the chekkar . thai haf concludit with ane assent / that thai wil tak thar' poyndis again with the perel of law et cetera
t prat The samyn dai thomas prat becom souerty to the Aldirman balyeis and to the toune for William garriach yungar to entyr him to thaim apon xx dais warning / And als' for the payment of his vnlawis in the quhilkis he is convict And the said thomas is now warnit in the court to entir him as said is this dai xxtj dais And gif the Erle marschel at the terme of the xx dais sendis laghful excusacion that the aldirman and consel beis plesit of / and desiris vthir xxtj dais to entir the said William as foresaid is . the said Thomas prat standis souerty in like wis' for his entre than as before
In the balye court haldin the v dai of Junij the yer' et cetera lxxxvj Johne reid pardonar was convict be assis' in amerciament for strublance of blak Jhonis wif and to amend as law wil