elene crab Item the said dai Alexander chamer of murchil forspekar to Elene crab comperit with hir in the court sayand that Alexander rolland wrangwisly occupiis certane land of the said elenis liand in the castelgate on the southe part of the samen betuix the land of William goldsmyth on the eist part and the land of vmquhile maistir Thomas the vaus on the west part / The quhilk Alexander rolland be his forspekar Dauid menyes yungar grantit the occupacion of the land pertening to the saide Elene crab / and denyit the wrang . And sa the said action was put to the decision' and determinacion of ane assise of thir persons vndirwritin that is tosay Alexander menyes James lesly Robert blindsel John' of culan Johne colison alexander reid John' of Knollis alexander of marr' Johne Wormot gilbert the vaus androw branche Thomas of marr' Walter achneve and Robert prat The quhilk assise the gret aith sworn Riply avisit has fundin and deliuerit be James lesly forspekar / that the said Alexander rolland . has nocht occupiit wrangwisly the land clamit be the forsaid elene . And has ordanit that Alexander rolland sal remayn with the samyn land vnto the tyme he be content of the costis maid apon it / eftir the tenour of the indentur' maid betuix thaim tharuppon
masowns The assise has fundin that Androw murref masown is convict for the strublance of thom of barry Johne of Kyndrumy and matho Wrycht And the said thom is convict for strublance of the said androw And the assise has ordanit that gif in tym cuming ony of the said masowns or ony vthiris in the luge beis fundin analiand or analyis and puttis away ony stuf pertening to Saint nicolace wark / that for ilke pennyworth' previt analyit be thaim or throu thaim / thare salbe takin xij d' of thare feis tobe disponit apon the bijng of siclike stuf Als' that nane of thaim in tym cuming sal beyr wauppynis within the luge bot a knyfe toscheir thare met vndir pain of x s' And gif ony of thaim happynis in ony strublance or offens againis vthir in tym cuming in word or deid throu the quhilk the wark beis scathit / the faute beand previt the fautar' sal pay fyve merkis to Sanct Nicolace werk / and that tobe tane wp of the rediast of his fee / and him self toremofe the wark for yer' and dai Attour the said assis' with avis' of the Aldirman and consel has ordanit with consent of the masowns / that na masown of the luge salbe lent be the maistiris of the wark nor pas of thare awn' auctorite towyrk withoute the luge with ony may withoute a seand caus' that it stand apon the perel of a manis hous' / and that salbe bot for twa houris vndir the pain forsaid of v merkis tobe rasit vnforgevyn
The thrid dai of Junij the yer' forsaid In the court haldin be the Aldirman and ballies of the burgh of abirdene in the tolbuthe of the samen / William of garuiach yungar accusit of strublance and rebellion' againis the officeris and communite of the said burgh . in the purchessing of lordschip in the contrar' of thaim and thare fred' / denyit / and was convict of the said challance be ane assise of the best and worthiast of the said burgh present for the tyme
the samyn dai maistir Johne gray Androw murray androw masown and Johne of myl masowns chosin and sworn to consider and pryse the costis maid be alexander rolland apon the land clamit be Elene crab / has deliuerit in presence of the aldirman and ballies in Jugement that the cost drawis to xij s' and tharof thai haf strikin of vj s' thai fynd the hous' is scathit samekil / and sa is scho topay vj s' And thai haf ordanit that the said alexander sal purge him be his aith that he had na stayn' nor vthir stuf belanging that land that mycht scaith' the grund
William of garriach yungar had foristallit the said burgh before that he was maid burges and freeman tharof in wol hide and skyn and in regratyn' of pennyworthis And the said William was maid quyte of al sic foristalling and regratyn sen the tym he was resauit in the fraternite of the gild and maid burges as said is throu his awn' purgacion maid at the ordinance of the assis'