the assise fyndis Alexander hay dettour til Dauid menyeis eldar of a pety quartar of salt fraght extendand to xiiij s' viij d'
Dauid menyes yungar grantit the occupacion of the land pertening to the saide Elene crab / and denyit the wrang . And sa the said action was put to the decision' and determinacion of ane assise of thir persons vndirwritin that is tosay Alexander menyes James lesly Robert blindsel John' of culan Johne colison alexander reid John' of Knollis alexander of marr' Johne Wormot gilbert the vaus androw branche Thomas of marr' Walter achneve and Robert prat The quhilk assise the gret aith sworn Riply avisit has fundin and deliuerit be James lesly forspekar / that the said Alexander rolland . has nocht occupiit wrangwisly the land clamit be the forsaid elene . And has ordanit that Alexander rolland sal remayn with the samyn land vnto the tyme he be content of the costis maid apon it / eftir the tenour of the indentur' maid betuix thaim tharuppon
J Kintor The samen dai the assise has deliuerit be John' more forspekar that thai couthe nocht end the matir betuix Dauid marr' and Johne of Kintor twiching the compt rekning and payment that the said Johne of Kintor was ordanit tomak to the said Dauid of ij barrelis of salmond and xvj s' g' / and the paper deliuerit be the said John' tharuppon / quhil the said Johne of Kyntor bring the bil of charge that Dauid marr' gef him togiddir with the rekning eftir the tenor of the act maid tharuppon of before . And the aldirman and balyeis with avis' of the court has assignit to Johne of Kyntor tobring the forsaid bil of charge in the erast schip saylland fra the port of abirdene cumand in flandris holand or seyland and agane to Abirdene And falyeand of the production of the bil of charge as forsaid is / the tenour and effect tharof is referrit to Dauid marris awn' declaracion and aith tomak sic like And that beand done Johne of Kintor sal mak him rekning and payment of the said ij barrelis of salmond and xvj s' g' eftir the forme of the said bil and charge committit to him tharuppon
W garriach iunior In the court haldin be the Aldirman and ballies in the tolbuthe the last day of maij the yer' et cetera lxxxvj It was fundin and deliuerit be ane assise that William of garriach yungar had foristallit the said burgh before that he was maid burges and freeman tharof in wol hide and skyn and in regratyn' of pennyworthis And the said William was maid quyte of al sic foristalling and regratyn sen the tym he was resauit in the fraternite of the gild and maid burges as said is throu his awn' purgacion maid at the ordinance of the assis'
The aldirman has tane to preve this dai xv dais that the wattir malis x merkis of the quhilkis Johne of culan allegis he has quittance of the ballies being for the tym was assignit to him be the counsale of this toun' to rais' before the date of the said quittance / and that the ballies war dischargit tharof / And he becom dettour to the Erle marscheal tharfor be ordinance of the said consale To the quhilk dai John' of culan is warnit to comper' and here the said preif bringand with him the forsaid acquittance