carnifices In the balye court haldin the xvij dai of Junij the yer' of lxxxvj Thom gray Johne of narn John' of lammynton' cristy prat Sande prat alexander fyndlau androw louson Wil cardno and rob fleschar' ilkane in amerciament be thir awne grant for breking of the price set be the prisaris apon the flesch' and for selling of flesch' vnprisyt
The xiiij dai of Julij In the court haldin be Thomas of chamer ane of the ballies / fyndlau fores and Johne fichet schipman war convict be assise in amerciament be thar awn' grant for the wranguis' withhalding of xx s' v d' for lyme siluer fra thom of tullo / and tocontent him as law wil
thom tulloch The xvij dai of Julij the yer' forsaid before Thomas of chamer and John' stevynson twa of the ballies of abirdene in the tolbuthe of the samyn Comperit Thom of tulloch induellar' of leith . and has tayn topreve within xl daies before the ballies of this burgh . that he has content and pait thom of turyn in leith factour til Androw goldsmyth in that part of the siluer of twa barrellis of ry meil as the price tharof was derrest in scotland in the tym eftir the tenour of his obligacion maid to the said androw tharuppon . And falyeand of his preif as forsaid is tobe condampnit in the some' tobe pait to the said androw quhare evir he may be apprehendit et cetera
Sande meirnys and Wil burges baxtaris ar vnlawit for breking of the paas' of the breid et cetera
The xxvj dai of July the aldirman askit payment fra thomas prat of William garriach yungaris vnlawis as he that becom souerty tharfor / and tharuppon the said thomas askit laghful dai toget the principale dettour to free him and referrit him to the ordinance of the consale / the quhilk consel that mycht be gottyn present for the tym ordanit to distres the said thomas to the avail of the said vnlawis eftir the ald statutis tobe modifijt be the consale of the toune and tolat his distres toborgh gif it war askit quhil this dai xv dais ./ To the quhilk dai the said thomas has borowit his distres the quhilk he layd doune in the name the said vnlawis , And the aldirman in cais' he be nocht present that dai has constitute Robert blindsel his deput and procuratour toask recovir and resave . fra the said thomas the some' of the said vnlawis in his name