lune Curia tenta per ballivos decimo sexto die mensis februarii Anno quo supra Quo die curia affirmata

Bricius Roberti posuit se in voluntate ballivorum de empcione et vendicione brasij in domo sua in preiudicium Communitatis

r' vxor hugonis plummar' posuit se in voluntate ballivorum pro eadem causa

Johannes filius laurencii kerd', fergusius filius Ade, vxor Andree marr', famula Willelmi spront, vxor Johannis bricij, omnes Isti ordinantur ad acquietancias suas propter causas predictas die antedicta

Johannes filius Jacobi et Willelmus Inuerrory calumpniati quod destruunt forum . primus respondebat sic . quod venit vnus ruralis cum exemplo brasij ad domum suam warandizando residuum ita bonum sicut exemplum fuit quo exemplo viso . vxor eius emit vnam bollam vel plus quam recepit in domo hugonis plummar' . et hoc legittime fuit factum vel ipse asseruit . Willelmus respondebat dicens . quod vxor eius emit vnum onus brasij in domo dicti hugonis secundum quod residuum fuerit venditum et de eodem precio et hoc ipse asseruit legittime factum . Ista duo puncta sunt dilata ad determinacionem communis consilij vtrum legittime et de iure possunt fieri vel non secundum quod superius scribuntur