Curia balliuorum de Abirdene tenta In pretorio eiusdem decimo die mensis Junij Anno et cetera quingentesimo decimo

myllar meldrum The said day Wilyeame makesone myllar grantit him awand' to Androw meldrum ane boll of meil quhilkis the bailyeis chargit him to pay within terme of law

Trumbul Sangstar The said day the provest bailyeis and counsaile for honour and vphald of goddis seruice Conducit and feit Ser Johnne trumbull sangster to serue in thar queyr and kirk in all devin seruice in mess' matutinis evynsangis and all vdir seruice belangin to ane sangstar for ane yeir to cum And forthir gif it plesit the said ser Johnne to Remain or thai to ples' his seruice ffor the quhilkis thai sall caus him be pait yerlie of tene pundis sa lang as he Remanis in thar seruice quhill thai be of puyschance to mend him his fee / quhilk ser Johnne sal entir at the fest of lammes nixt hereftir to his seruice and licenc him betuix this and thane to red him self of vdir placis quhar his geir was And this tene pundis to be vptakin be the said ser Johnne yeirlie fra the personis and placis that thai assigne to him

ruthirfurd' myllar The said day ser Johnne ruthirfurd grantit him awand' to Wilyeame makesone myllar xx s' quhilkis the bailyeis chargit him to pay within terme of law

ruthirfurd' meldrum The said day thomas meldrum tuk him to preive this day xv dais that the bedis clame be ser Johnne ruthirfurd knycht be the s tenour of ane borgh' one him and his wif / was lad in wed to his wif of tua franche crovnis quhilk day the s bailyeis assignit to the said thomas to preve his said' allegeance