Caucio Agnetis Scherar The saide day Williame lindesay as procurator to Agnes scherar' his Spous' oblist him be his hande and gudis that the said Agnes sale hald ferme and stabile ale and quhatsumeuir thingis he dois in hir' nayme anent the gudis of airschip clamit and persevit be Jonhne brabnir in the nayme of the ayr of vmquhile Wat philp

lindesay The said' day Williame lindesay as forspekar and caucioner for agnes scherar' his Spous allegit ale the gudis clamit be Johne brabnir In the name of the ayr of vmquhile Walter philp as airschip testat gudis herfor the prouest and balyeis assignit friday that next Cumis to the said' Johne to preiwe the gudis clamit be him gudis of airschip and warnit the said William to comper and her' the said preuis producit admittit and suorne et cetera

The saide day ale fre broustaris of this burghe' was conuict' be ane suorne assis' thomas chamer forspekar for brekin of commone ordinance in Selling of aile derrar thane It was set that is to say for viij d' the galloun' quhar It was set to vj d' the galloun' and for selling of aile for viij d' quhar It was nocht wortht vj d' Ande for Selling of aile or it be cunnyt and Set for the quhilkis Ilkan of thame was in the amerciamentis of the court and tile amend' as law wile and forber' in tyme to Cum

Curia balliuorum burgi de Abirdene tenta in pretorio dicti burgi xvo die mensis aprilis anno quo supra

The said day coppin memen skipper fand androw Waus burges of abirdene souerte that quhat skaithe that James collsione Wole throu or throu his that the said James mycht prewe he suld recompens' him tharof sustenit in the said skipperis defalt or in the defalt of his schip quhat that the said James mycht prewe the said skipper' suld recompens It to the said James