Curia balliuorum de abirdene tenta in pretorio eiusdem xv die mensis Januarij anno quo supra

broustaris The said' day ale the broustaris in futy was conuict' be ane Suorne assis' William murray forspekar for brekand of common ordnance in the selling of aile derrar thane It was Set for viii d' quhar it was set for vj d' the gallon' and selling of It for viij d' quhar' It was nocht wortht vj d' the gallon' for the quhilkis Ilkan of thame was in Amerciament of the Court et cetera

baxtaris The said' day ale baxtaris of this burghe was conuict' be ane Suorne assis' sere Jonhne ruthirfurd forspekar becaus' thai wantit bred' of quhet ale at anis and furnist noch the toune with bred of quhet as efferis

hay andirsone The saide day Johne andirsone burges of the saide burghe complenyeit to the prouest and balyeis that alexander hay hede gretlie and heuelie tribulit him sayand that he tuk and quarter of wole and the pestlence in It and passit to fiwe or sex hous' of his nychtbouris and specialie to the hous of Wilyeam andirsone his brothir and distroit him and his barnis throw the saide Infectioun' quhilk the said Johne denyit referand him to the declaracioun of ane assis of his mastiris and nychtbouris of the toune lest Suspect best knaving the verite And thareftir the said balyeis accusit the said alexander for tribulance of the saide Jonhne quhilk he denyit And in continent batht the said partiis being accusit for tribulance of vthiris denyit and with bath thar consentis the said actiounis was put to the determinacioun' of thir personis eftir writin that is to say Duncan Colisone Androw fif patry chernsid' alexander malisone Dauid straloche Williame stile master Dauid lousone alexander nory Johne Kintor Duncan andirsone Symon elloun' Johne murray and Jonhne malisone quhilkis riplie auisit the gret aithe Suorne the Richtis resonis' allegacionis witnes and preuis of bath the said partiis producit herde seyn' ande vndirstandin fand and deliuerit be the moutht of the saide Duncan Colisone forspekar of the said assis' that thai coud nocht acquit the said Alexnader of the tribulance of the said Johne sayand' the said langagis and wordis for the quhilkis he was in Amerciament of the court and av tile amend' as law wile and forber' in tym to cum and that was gevin for dome be the moutht of fynne dempstar of the said court and the said Jonhne quyt of ale tribulance of the said alexander

Curia Balliuorum de Aberdene tenta In pretorio eiusdem vicesimo primo die mensis Januarij Anno quingentesimo Nono