Curia Balliuorum burgi de Abirdene Tenta in pretorio eiusdem octauo die mensis Octobris Anno quo supra

the toun' dychtaris The said' day Nichol castel and Donald' scot oblisit thame vndir the pane of banysing of the town' to keip ale the gatis of the town' clene and' dycht thaim als oft as nedis ffor the quhilkis thai sale haue ane' penny of Ilk fyr hows' and ilk merchand' butht to be pait four tymis in the yeir And' the toun' hais grantit thame licencis and pover to tak ale tubbis stullis burrowis vechtis and ale vthir siclik Instrumentis that bringis ony filth and castis apone the gait and' to keip the samyn one to the tyme thai be pait for the dychting of the said' gait And elikwis' to tak hors' and ale vthir bestis that makis stabling' or fylth apone the gait

protestacio Normandj leslie The said' Normund' leslie protestit that quhat skathis costis and dampnis he sustenit in falt of payment of xv s' be Johnne Connan to Sande nory he micht recouer apon' the said Johnne Coonnan as he that vas oblisit to freith him at the handis of the said' Sande nory

The said daye Thomas Wod' tuk him to preif this day xv dais that he bocht ale the salmound' and girls' that Cristy symmir saltit for xl s' the barrel of salmound' and xxtj s' the barrel of girls'

The said' day It vas deliuerit be ane' suorn' assis' mathow branch forspekar that Cristy symmyr sale deliuer and pay to thomas Wod half ane' barrel of girls' quhilk he promittit tile his wif quhilk the bailyeis chargit him to pay within terme of law