Curia Balliuorum de Abirdene tenta in pretorio eisudem tercio die mensis Julij Anno et cetera quingentesimo nono

panton' The said day it was fundin deliuirit be ane suorne assis' ser Johnne ruthirfurd' forspekar that alexander pantone is takisman to Johnne Colisone for ane yer' of ane Inland' pertenyng to him liand' in the gallougat

Colison' pantone The said day alexander pantone grantit that Johnne Colisone had set to him ane hous' on' this condicioun' that he had takin the said hous fra him sua that he had tane his arle penny And the said Johnne allegeit and said that his word was gud eneucht for the set of the said hous

vmfray Ramsayis wif The said day day Thome vmfray grantit him awand' to Canny eduardson' the wif of Johnne Ramsay iiij li' v s' les' for certane ry meile bocht fra hir And atour the bailyeis chartir the said thomas to cum one friday that nixt cummys befor thame and preif his pament of the haile Sovm' of of v li' iiij s' quhilk the said Canny allegeit avand' hir be the said thomas

Paterson' stratoun' The said day Comperit Johnne paterson' wth mastir Johnne marscheale his forspekar and producit ane chartir maid be agnes Walcar and marion' Walcar douchtiris and ayris tile vmquhile henry Walcar maid to Jonet smyth quhilk chartir bur in It self that thar suld' be thre fut of Entires' of the forsaid forland to the Inland of Androw straton' and yard of the saide Johnne Protestand' solempnitlie that quhat Androw stratoun' did' in the biggin of the said forland' suld' turne him to na preiudice anent the entires' of the said thre fut to the Inland' and yard forsaide et cetera