The said day William Wormet was conuikit be ane suorne assis' Johnne of cullan forspekar for licht strublance of georg andirson' for the quhilkis he was in amerciament of the court and tile Amend as law will and forber in tyme tocum And the said georg quyt of ale strublance of the said Wilyeame

The said day the bailyeis assignit mononday that nixt cummys to Sandy makesone mylnar to ansuer to the borgh' fundin one him be Androw gordone for the wranguis' away havin of the corne and sukkin out of the tovne to the Justice myllis quhilk pertenit to him takisman of the myllis of the tovne'

The said it was sufficiently previt be thomas craufurd Johnne andersone Androu barkar Duncan portar and James gourlay that Johnne colisoun' sone to James colisone had pait ane petty quartar of salt for the said James to Johnne buyt' And ane vthir petty quartar of salt to puncioun' flemyng in the monetht of maij the yer of god jM vC and aucht yeris

The said' day Walter howisone was in ane' amerciament of the Court in defalt of presens as he that was lauchfully warnit and nocht Comperit et cetera

The said day Wilyeame Wormet offerit him reddy tile vndirly the ordinance of the Prouost bailyeis and Counsaile anent the amendis of the strublance done to georg Andersoun'