protestacio Willelmi Wormet The saide day William Wormet allegit that patry chernsid' has Intromettit with tua barrellis of grils' and resauit tham fra William caldourhed' in banff pertening to Jonhne lavsone in leitht quhilkis he askit in the nayme of the saide

baxtaris The saide day Androw gordone Jonhne buchan and Alexander Donaldsone was conuict' be ane assis sere Johne ruthirfurd' for brekin of pace in baking of quhet bred'

burnat Wandy The said day Androw burnat Skynner and' Duncan Wandy litstar ilkan of thame' was in amerciament of the court be thar avin tounge grant for occupacioun' of thar craftis and merchandice' and till amend' as law will and forber' in tyme tocum et cetera

fleschearis The said day Symon flescheour' Johnne' flescher' and thomas lammynton' fleschearis was conuict' be ane suorne' assis' ser Johnne' ruthirfurde forspekar for the occupacioun' of thar craft and marchandice for the quhilkis ilkane of thame was in amerciament of the court and till amend' as law will and forber in tyme tocum et cetera

broune forstallar The saide day James broune was conuict be ane Suorne assis' sere Johne ruthirfurd' forspeakar for the forstallin of the burghe in bying of wole and hidis et cetera Ande malcum crag come souerte to the denis of gild' for the said James vnlavis