The said day adam fif tuk him to preif this day viij dais this borgh' vnder folloving quhilk was denyit be Robert Waus I adam fif burges of abirdene fundis ane borgh' in the handis of androw nauchtie officiar of the said burgh' that wranguisly and aganis the law robert Waus haldis fra me xvij s' of siluer for xvij salt laxis the quhilk the said robert had fra me and promittit to pay me the forsaid xij s' for the said fische and wrangis that he do it nocht and tharto my borgh'

Walcar grig The said day alexander Walcar protestit for his costis skathis and' expensis maid and' Sustenit in the actioun debatable' betuix him and Johnne grig

The said day thomas leslie bailye one that ane part and Duncan craik one that vthir part oblist thame be thar handis vphaldin to vndirly the deliuerance of Dauid theman Dauid brois' goldsmyth' and adam Weir anent the awaill of ane goldin ring persewit be the said thomas laid' in wed to the said Duncan with ane turkas stane' in It to be maid' to the said thomas And' gif the said ring mycht be gottin the said thomas sall haue It again And deliuere samekile money as the saide personis makis to him for the awaill of the said ring to the said' Duncan agane gif he deliueris him the said ring

The said day Dauid Soulys litstar grantit that he was borgh' and hammald' to thomas meldrum for ane cow that was sellit to the said thomas be ane callit Sandy Keitht

The said day the prouost and bailyeis assignit this day xv dais to Jonet blinseill and Willeame Woormet his sone on' that ane part and ser Androucuper chaplane of sanct Duthois alter on' that vnthir part athir of thame to bring thar euidencis sic as thai haue and will wse anent ane land clamyt be the said ser' androw to pertene to the said alter lik as his fundacioun' makis mentioun' quhilk land' the said Jonet possess' and haldis now And ordanit the said ser Androw to gif to the saidez Jonet and Williame the claus' contenit in his said fundacioun' of the said land' that thai mycht awis' tharwith' agane the said day