The said day It was appontit and' accordit betuix Dauid colp allegit tutor to Isabell buchane one that ane part and' Androw ffif procuratour for Robert guthre one that vthir part one this maner that is to say thai haue chosin mastir Dauid setoun' persone of balheluy mastir William crichtone persone of Inuernochty Androw cullan' prouest of Abirdene D Dauid menyeis and' gilbert menyeis to conuen' one monunday that nixt cumis quhair thai think expedient and' common' anent the age of the said' Isabell quhethir sche be within tutory or nocht and' se gif thai can' agre the said' partijs And' gif thai agre nocht to comper the said day befor the prouest and' bailyes to persew Justice And' thai continewe the said actioun' to the said' day And' the said' Androw tuk one him to warn' the said robert to the said day

The said day the prouest and' bailyes statut and' ordanit that ale skynnaris sale gang befor the cordinaris in ale processionis baitht in candilmes' play and vtheris processionis that accordis thame to gang in

The said day robert Waus grantit befor the prouest and' balyes to an suer to ale thingis that thomas chamer has to say to robert prat as law will

The said day the prouest bailyes and' counsaill statut and' ordanit that nay hatmakar withtin this burgh mak na hattis of hewit coloris and' specialy of nay thrummis nothir hewit nor vnhweit And' gif ony hatmakar dois sic thing that thair hattis salbe eschet and to and' gevin to the proffit of sanct nicholes' wark leswis' than it be present to Johnne reid' to se gif it sufficient stuf and' weill cumin'

Curia balliuorum burgj de Abirdene tenta in pretorio eiusdem vltimo die mensis maij Anno quo supra et cetera