Stirueling The said day alderman bailyes counsaile and communite grantit gaff and assignit to thar familiar clerk and seruitour ser Johnne stirueling ane annuat pensioun' of fiwe merkis vsuale money of scotland of the malis of thar landis of the cruvis to be rasit at tua vsuale termes in the yeir witsonday and mertimes in wintir be evinly porcionis for ale the dais of his liwe for his gud seruice done to thame and ordanit to seill his lettir maid tharupoun' in dew forme as efferis vndir thar commoun' Seill

Anent the keping of the common seill The said day the aldirman bailyes counsaill and communite grantit and consentit to giwe the half of thar commoun' seill in keping to gilbert menyeis and deliuerit the samyne to him

Cullan The said day Androw cullan' alderman protestit that quhat burges and free men' was maid this yeir bigane quhene he was ane of the denis of the gilde without his consent suld turne him to nay preiudice

prestone The said day the alderman bailyes counsaill and communite grantit to gilbert prestone Androw gray free man' and' burges and' the profit to be gevin tharof to the said gilbert for his gud seruice done thame obefor

scrimgeour The said day the alderman bailyes and counsaile and denis of gild' ordanit William scrimgeour to pay to the minstir of the triniteis tene s' aucht to him of this yeir bigane And' dischargis the said Williame of ale thingis bigane of the Rud' malis of the said burgh' sene he Intrometit thar witht to this day for thame and thar successouris nove and for euere