Coupar talyour Stevart The said' day Williame Coupar tailyour was conuict be ane Suorne assis' ser Johne ruthirfurd forspekar for tribulance of Androw steuartis and the said' Androw was conuict for tribulance of the said' William for the quhilkis Ilkan of thame was in ane amerciament of the court et cetera and tile amend' as law wile et cetera Nochtwithstanding the prouocacioun' of the said' tribulance was fundin in the said' William

for the closing of the toune The said' day the haile Counsale ordanit the prouest and ane bailye with him tak of the Ridiast of thar' girssomes quhar' thai may be best gottin and big ande vpmak the portis of the toune ande clois' It quhar throw the toune may be kepit fra the contageous' plage of pestlence And' atour thai ordanit the officiaris to pas' throw the toune and warne euere man and euere hous' to send a seruand' with Instrumentis conuenient to help to mak the said' portis and dikis Sufficient

bessy Waus The said day bessy Waus was conuict be ane Suorne assis' thomas leslie forspekar for tribulance of William Walcar' and his hous' for the quhilk scho was in ane Amerciament of the court to Amend' as law wil and forber' in tym to cum

blinsele Ramsay The said day Alexander blinsele was in ane Amerciament of the court be his avne tounge gravnt for tribulance of alexander Ramsay and to amend' as law wile and forbeir' in tyme to Cum Ande the saide Alexander ramsay quyt of ale tribulance of the said' Alexander blinsele And' Dauy blinsele Come Souerte be his hande landis and gudis to Entir the said Alexander blinsele one friday that next cumis befor the prouest and balyeis within the tolbutht thar to vndirlie the Counsale anent the making of Amendis to the said' Alexander Ramsay

The said day the bailyes chargit Anne futhes pinor to deliuer to Androw Kennerty his govne as suffiient and' haill as scho Intrometit witht within viij dais eftir that thomas Riddaile cumis hame'