The said day the Aldermane bailyeis with auis' of the counsaill Ratefeit and appreuit the gift of xxtj s' giffin to thome chamer sangstar and assignit to be pait be ser Williame couper quhilk Johnne fyff breukit obefor for this instant yeir eftir the tenour of the Act maid' to the said thome tharapone obefor And ordanit the said ser Williame nocht to be obeit of na proffitis of the said clerkschip vnto the tyme the said clerkschip thomas be pait of the said xxtj s'

The said day thome gledstane grantit hyme to pay to the wif of Willeame futhes betuix this and friday nixt cumis at evin of the Rest of ane fow of caldronis xij s'

The said day the baillyeis assignit this day xv dais to thomas lammyntoun' to ansuer to the borgh' fundin one hyme be Johnne Raburne for the wranguis' Raking and Intrometting fra hyme of ane weddir

Curia balliuorum de Aberdene tenta In pretorio eiusdem quarto die mensis maij Anno Dominj millesimo quingentesimo sexto

Willelmus murray The said' day William of murray was accusit for strubulance of Johne Cuk sergeand' in the execucioun' of his office And' for the breking of common' ordinance et cetera quhilkis the said' William denyit offering him redy tile vndirlie the decisioun' of ane assis' And' in continent with Consent of the saide partiis the said' matir was put to the decisioun' of thir personis Dauid menyeis Alexander Rede thomas leslie William portar Dauid mar' Johne blak patry rede William Wormet thomas Watson' Johne arthour Androw stevinsone Malcum crag Johne Ramsay Duncan fyf Ande Johne craik burges of the siad' burghe quhilkis the gret aithez' suorne the richtis resounis and allegaciounis witnes and preuis of batht the said partiis herd' seyne and vndirstandin deliuerit ale in ane voce concordand' that thai coud' nocht acquit the said' William of strubulance of the saide Johne Cuk officiar' for the quhilkis he was in ane amerciament of the court and to amend' as law wile and forber' in tym' to Cum Alsua the said' assis' ale in ane voce concordand' fande and deliuerit that thai coud' nocht acquit the said' William of murray for brekin of common ordinance for the quhilkis he was in ane Amerciament of the Court et cetera to amend' as law wile and forber' in tym to Cum