heruy thekar The said day the balyes assignit friday that nixt cummis to george heruy to preiwe that Alexander thekar promittit to him that he suld' mak his land' liand' in futy complet and' Sufficient betuix at the Rud day that last was And' gif the said Alexander failyet that he suld' pay the yeris maill quhilkis extendis to four merkis And' ordanit the said Alexander to cum the said day to heir the said preuis suorne

thekar heruy The said day Johnne arthour come souerte be his hand' that Alexander thekar sale complet Sufficiently as efferis the hous' and' biging pertenyng to georg heruy be the morn' at the sone gaing to the said Alexander oblist him to freitht the said Johnne And' atour the prouest and' bailyes ordanit and' chargit the said Alexander be wertu of his condicioun' to prouid and get sufficient tennendis till his hous' forsaid' for this yeir to cum And' falyeinge tharof to pay the maile of the said hous' to the said george samekle as thai ar wortht for ane yeir

Curia balliuorum burgj de Abirdene tenta in pretorio eiusdem decimo octauo die mensis maij Anno quo supra et cetera

Curia balliuorum burgj de Abirdene tenta in pretorio eiusdem xxijo die mensis maij Anno quo supra

The said' day It was ordanit and deliuerit be the prouest and Counsale ale in ane voce concordand' that the ballieis sale pas' Ilkane in his quartar with his Officiar this day and to morne befor novne to ale personis aving beir' and meile Siluere ande charge tham to schew thame thar penny wortht quhilkis thai haue and wile sale for pament of the said' money to the fremmit men' Ande ale that has nay pennyworthtis conuenient for thame to charge and commavnd' to mak thankfule pament of ale Somes avinge be thame to the said' Alienaris Certifeing ale the said' personis aving money that has pennyworthtis that thai wile ger' pris' the samyn be Suorne personis and ale that schevis nay pennyworthtis thai wile punde Compele and distrenye thame thar gudis and mak Redy pament in pennis to the said' Alienaris of ale Somes aving to thame for the tfrething' of the towne According to Justice