The said day it was deliuerit be ane suorne assis' Dauid menyeis forspekar that the borgh' fundin one Johnne litstar yongar wa be alane litstar for the wranguis' withthaldin fra him of fifty s' was fundin awaile for the quhilkis the said' Johnne was in ane amerciament of the court and' to amend' as law will and' forbeir in tyme to cum And' atour the said alan litstar at command' of the said assis' forgef the said' Johnne' tene s' of the said' fifty s' and' he to pay to the said alan fourty s' vsuale money of scotland' tharof tuenty s' at mertimes nixt to cum and' vthir tuenty s' at Witsonday thareftir

The said day Schir Androue coupar and Alexander sclater oblist thame be the fathtis of thar bodiis to stand' and' abid' at the ordinance and deliuerance of Androue cullan Richerd' Wricht and Androue Wricht anent the metting of ane hous' pertenyng to the said' ser Androw quhilk the said' Alexander Intrometit witht to do his labour according tharto the saidez personis chosin be said partiis as arbitouris and' amicable compnitouris to decret and deliuer in the said' matir And' the said' Alexander oblist him to bring the saidez personis witht him betuix this and' the day viij dais and' quhat that thai deliuer tharintill that the said Alexander sale Reforme' and' ples' the said' ser Androw according tharto

The said day Johnne fechat grantit him awand' to Johnne flessour v s' vj d' quhilkis the bailyes chargit him to pay within terme of lawe

The said day berrehill was conuict be ane suorne assis' Dauid menyes forspekar for tribulance of thome bell and' Dovny scot for the quhilkis he was in ane amerciament of the court and' to amend' as law will and' forbeir in tyme to cum and' quhat tyme' thar he tribulis thame his mastir Alexander sclatar or ony vthiris in tyme to cum to be banist the tovne And' the said J thome and' Dovny quit of ale tribulance of the said' berrehill

Curia balliuorum burgi de Abirdene Tenta in pretorio eiusdem decimo quinto die mensis Maij Anno quo supra et cetera