Watson' Kintor The said' day the prouest and balyeis assignit Wednisday the xxij day of aprile next to Cum to Dauy Kintor to preiwe that Williame Watson' wantis the cow that he clamys him in his defalt eftir the tenor of the actis maid' tharapon' Obefor

The said day William still producit ane bill of airschip writin with Dauy stralochis hand' at the command' and' charg of criste prat quhilkis pertenit to the said' Williame be resone of airschip

burnat brabner The said day It was deliuerit be ane suorne assis' ser Johnne Ruthirfurd' forspekar that the borghe fundin one Johnne' brabner be Alexander burnat was of Nane awaill for the quhilkis the said Alexander was in ane amerciament of the court And' the said assis' ordand' the said Alexander to pas to the said' Johnne brabner buitht and' ressaue alsmekle Irne as he gat and' to pay the fraucht tharfor

Kintor Ruthirfurd The said day Dauy Kintor grantit him aving to ser Johnne Ruthirfurd' ane boll of gret aitis quhilk the balyeis chargit him to pay within terme of lawe And' quhat the said' ser Johnez seruandis wald' the sueir the morne that the said Dauy Kintoris gudis did skaitht in his barn' yard' he sale mak pament to the said' ser Johnne for the said' skaitht

heruy thekar The sext day of the monetht of aprile the yer' forsaid' Alexander thekar oblist him be the batht of his bodie to theik and complet the haile bigyne in futy pertening to gerge heruy with new thak and to tyrff of the ald' hadir one his avne expens' betuix this and Rud' day next to Cum Ande gif the said' george previs nocht with the witnes that It was the said' Alexandris condicioun to tak of the ald' hadir and theik it with new hadir' Thane he sale recompens' the Costis maid be the said' Alexander atour' his condicioun' In presence of gilbert menyeis prouest Alexander gray balye and ser nichol patirson'