Curia balliuorum burgi de Abirdene tenta In pretorio eiusdem quarto die mensis nouembris anno quo supra

broustaris Thir personis was gevin on bile be the officiaris and the Cunnaris that thar ayle was Set to vj d' the galloun' the wif Androw beltar' / the wif of Sandy thekar the wif of Johne balgenschow / the wif of thome barne the wif of Johne flessour the wif of Johne blak stabillar' the wif of Wille sken' the wif of gilbert mvresone the wif of gilbert paule the wif of Williame marnoche the wif of Johne fynne the wif of Sandy nory the absentis bessy bisset

broustaris The said' day the wif of Alexander talyour was conuict be ane suorne assis' thomas leslie forspekar for brekin of commone ordinance that scho sellis nocht hir' ayle to the nychtbouris of the toune quhen thai send' for the quhilkis scho was in ane amerciament of the Court

broustaris The saide day thir personis follouing was conuict be ane Suorne assis' thomas leslie forspekar for Selling of aile for viij d' the galloun' quhilkis was Set be the suorne Cunnaris for vj d' the gallon' In the first the wif of Johne blak wattirman the wif of Johne sanclar Marioun' the widew of Androw luchouris the wif of cristy symmer' the wif of Sandy findelaw the wif of William blinsel the wif of Will sclatar the wif of Wat mernis and the wif of Androw barkar

the wif of William blinsell The said' day William blinsele for his wif conuict be the said' assis' thomas leslie forspekar for trubulance of gentilman ane of the Cunnaris quhen he was cunnand' hir' aile for the quhilkis he was in ane amerciament of the court