Curia balliuorum burgi de Abirdene tenta In pretorio eiusdem xvijo die maij anno quo supra

plegius pro Introitu Willelmi loremar et cetera suorum complicium The saide day Alexander prat come Souerte be his landis and gudis tile entir Williame loremar personaly befor the seref of Abirdene or his deputis ane of may in the seref court of Abirdene to be haldin within the tolbutht of the burghe of Abirdene one monunday the xxtj day of maij Instant or one settirday the first day of June next to Cum at the plesour of Ab my lord of Abirdene tile ansuer' for' Spoliacioun' of yrne spulyet fra the saide lorde And' thome menyes come souerte tile entir Johne fechat In manere and forme as said' tile ansuer' for the spoliacioun of jC suethin burdis fra the said' lorde et cetera

gallicus fechat The saide day the action' follouit be Richerd' franchman apone Johne fechat anent the harnasing of ane sadile Is continevit to monunday that next cumis becaus' the preuis was nocht present

the franchman Rede Cullan et cetera The saide day It was deliuerit be ane suorne assis' Robert blinsele forspekar that nicholes franchman sal deliuer iiijC eln' of canuas' tile Alexander rede and Androw Cullane and resaue xl stane of woll

The said day malcome crag procurator for Jonet Wastland grantit that sche sulde mak the landis that sche has in coniunctfeftment als' gude as thai war quhen' sche intrometit witht' thame eftir the decess' of Jhonne Wastlande hir husbande