The saide day the aldirman ballieis and Counsall present for the tyme assignit to margaret of Kintor the relict of vmquhile Williame of chamer the malys of thar' half nethis fischingis of the mydchingile quhilkis Johne of Auchneiwe now Occupeis and Jos' for ale the termes of Sextene yeris Immediatlie to be Runnyn quhais handis that euire scho It happinis to be in to the frethin and releving of the malys of hir thridpart of nethis fischingis one the wattir of Done assignit to Sanct Nicholes werk quhilk Is Set to hir maile fre

the prising of sere William sanclaris boit The saide day personalie comperit patry Rede Jonhne rede thomas menyeis and thomas ridaill at commavnde of the aldirman and ballieis chosin and Suorne In presence of Jonhne of mar' procurator for sere Williame Sanclar and Jonhne fechat partiis quhilkis eftir thar aithez' the gret bodelie aithe cumande betuix prisit the boit of sere Williame Sanclar that the saide Johne fechat Intromettit with was worth tene pundis vsual money of Scotland In the tyme that the saide Jhone Intromettit with hir' ale concording in ane voce

Curia balliuorum burgi de Abirdene tenta In pretorio eiusdem xvjo die februarij anno quo supra

Douglas henry The saide day the borghe' fundin be Wat Dougles one gilbert henry that he promittit to marrow demi nethis with him and wrangit that he did' It nocht was fundin of nay avale be ane suorne assis' patry leslie forspekar for the the quhilkis the said' Walter was in ane Amerciament of the court and the said' gilbert quyt of his challance et cetera

strublaris The saide day Robert g Thome glenny was in amerciament of the court be ane suorne assis' Williame Wormet forspekar for strublance of Androw sleicht / Ande the saide Androw was conuikit for the strublance of the said thome And' ilkane tile amend tile vtheris as law will and forber in tyme tocum