Curia balliuorum burgi de Abirdene tenta In pretorio eiusdem xviij die Augusti anno quo supra

The saide day thome Walcar' in his wiffis nayme grantit the Intrometing with ane pece of linnyne clatht of Alexander Kingis Ande askit xx dais that he mycht serche and Seik gif he mycht comprehend' the saide clath / Ande gif he coud' nocht get it he oblist him be his hande and fatht of his bodie to pay the price of the saide clatht samekile' as the man that weuyf it and vthiris iij or' iiijor personis vnsuspectit to the saide Alexander ordanit him

hay Walcar' The said'day Anrow nachtj come Souerte for thome Walcar in murthill to ples' Alexander hay for thre Salmonde aucht to him to morne befor Alexander Rede and balye be the fath of his bodie and the said' thomas Oblist him to freithe the saide Androw

protestacio Jacobi Abirdur' The saide day comperit James Abirdour' attachit be Androu nachtj officiar' and warnit tile ansuer tile ane borghe' fundin on' him be Alexander burnat for the wranguis' haldin fra him of him of xx s' iiij s' iiijor d' Offerit him redy furthtwith tile ansuer to the said' borghe' and the saide alexander oftymes callit to follow his said' borghe' and nocht Comperit the saide James protestit for his costis skathis and expensis Ande that he ansuer' nocht quhill be be pait tharof and follouit with new Soit

Ruthirfurd' Copin hill The saide day the balyeis Assignit the law day next eftir michaelmes Immediate follouing to sere Johne ruthirfurd' knicht tile ansuer to the borghe' fundin one him be James hill for the wranguis' occupacioun' of ane croft of his but assedacioun' of him Ande discernit the copy of the saide borghe' to the said' knicht