matheson' the saide day the aldirman and balyeis at commavnd' of our Souerane lordis lettres assignit this causit philp Dunbrek officiar to pas' to the landis of vmquhile Williame malisone and warne Johne malisone his sone and ayr to Comper befor thame this day xv dais the xxiij day of marche Instant to ansuer at the Instance of Dauid' mathesone for the wranguis' haldin fra him of ane part of his land' eftir the tenor of our Souerane lordis lettres direkit tharupon' And' in continent the saide philp officiar passit and summ warnit the said' Jonhne at his said' land' befor William Ramsay and Jonhne flessar to comper the saide day

taxtores The saide day Thomas prat Jonhne Wormet Dauid matheson' androw Cullane yongar and Williame futhes was chosin and Suorne the gret aithez to extent xxtj li' amang the merchandis of the tone and vthiris that vs' merchandice

commissarij electi pro bono mercandorum The sext day of marche the yer forsaid' sere Jonhne ruthirfurd' aldirman thomas leslie James Colisone and Alexander gray was chosin commissaris to pas' and common' with vthiris commissaris of the burrowis for the gude of merchandice

Wormet Walcar The saide day the aldirman and balyeis assignit this day the xv dais the xxiij day of marche Instant to sere Dauid' Walcar to preiwe that Jonhne Wormet is avand' to him vij merkis and demi

W nicholsone The saide day thir personis vndir writin that is to say sere Jonhne ruthirfurd aldirman Robert blinsel alexander rede Thomas prat Jonhne Wormet Dauid mathesone Jonhne blak William futhes William blinsel Jonhne thomsone malcome crag and Dauid fynne grantit and consentit with ane voce to set to William nicholsone the auchtane partis fyschingis of the wattir of the crovis at the next assedacion for the termes of the samyn quhilkis Duncan smyth nov Joys' becaus' the saide Duncan refusit to pay his deviteis concerning the commone profit of the tone' as vthiris nichtbouris pait And' thar salbe xxvj s' and viij d' allouit to the saide William in his girssome of the said' fischingis quhilkis he has pait apon the quhilkis the said' William nicholson' askit Instrument befor the said' witnes