burgensis preposito conceditur The saide day ane part of the Consal and diuers' of the comunite present for the tyme grantit ane burges to the aldirman for the xl s' quhilkis he pait to the lord erskene

Curia balliuorum burgi de abirdene xvij die nouembris anno quo supra

moir' The saide day the balyeis assignit this day viij dais to Jonhne moir' to ansuer to the borghe strekit one him be Dauid fynne for the wranguis' haldin fra him of demi pety quartar of Salt

the statutis of the craftis men et cetera The saide day it was thocht expedient statut and ordanit be the aldirman balyeis and consal for the plesouris of our Souerane lordes hienes his lordis and noblis of consale that ale baxtaris broustaris flessaris fischearis stabillaris candillmakaris Cordonaris talyouris and ale vthiris men' of craftis within this burghe be weile furnyst and bodyne in gude and Sufficient stuf Ilkan according to thar craftis and operacionis to the furnising of our Souerane lordis hienes and his lordis for the space of xx dais and forthir als lang' as his hienes makis residence within this burghe In the first al baxtaris to haue bakin breid' and flour redy to baik Al broustaris to haue brovyne aile and grundin malt redy to brew Al stabillaris to haue sufficient Stabillis hek manger' Corne fodir and ale vthir stif according tharto Ale flessaris to haue fresche flesche dailie and hourlie sclane and to be sclane Ale fishearis to haue fische redy salt poudirit herde and fresche quhen the wedir ansueris tharto Al candilmakaris to haue Candile redy maid sufficient Stuf Ale talyouris Cordonaris and skinnaris to haue werk maid' and Stuf redy to mak Ilkan according to thar craft Al merchandis to haue wax wynnis Spisary and vthir merchandice redy to the furnising of our Soueran lordis hienes and that al Elding sellaris bring thar elding dalie and hourlie to the mercat et cetera

mastir mason' The saide day the mastir masone grantit him pait of his fie bigan and forthir to Sonday cum ane thre Oulkis