fischearis The saide day It was deliuerit be ane Suorne assis' Williame blinsel forspekar that William tait Robert mathosone and Jonhne barkar was feit with Jonhne Culane to mak seruice in his fysche boit for ane yer' and he to pay tham at four' termes and to serue him quhile xv dais eftir the next pasche Alexander Kennoche grantit the said' condicion maid' be him

Curia legalis balliuorum burgi de abirdene tenta In pretorio eiusdem decimo die mensis Octobris quo supra

lynaris Alexander chamer Alexander menyeis Robert blinsele Alexander Rede Johne of Culane thomas prat and Jonhne Wormet

Symsone The saide day ane Richt Worschipfule mane mastir Walter leslie parsone of menniuyr for him Self and forspekar for Elizibeth' leslie his sistir present in the Court requerit and chargit Androw Culane yongar thar' nevoy to deliuer' al gudis of arschip and vthiris beand' in his possessione pertening to frer' Alexander Symsone thar Cosing to frer Dauid andirsone priour of the freris predicatouris of this burghe to the profit of the said palce And the said frer Alexander askit to be dischargit of Curatory be the said Androw quhilk peticion the said Androw vndirstanding consonant to resone with avis' of the frendis of the saide frer Alexander present for the tyme dischargit him of the saide office of Curatory nov and foreuire Alsua the said frer Alexander requirit and ordanit the saide androw to deliuer ale his gudis to the saide priour'

Ramsay The saide day the balyeis assignit monunday that next Cumis to Jonhne ramsay to ansuer to the borghe strekit one him be Robert Culan for the wranguis' Intrometing vpstriking ande drinkin of ane part of ane pip of wyne of his and avche to reconpens' him the skathis