Dauid theman The saide day the aldirman diuers' of the consale and communite present for the tyme for the bigin reformacion and vphaldin of thar commone knok in the tolbutht grantit to Dauid theman goldsmytht fourtj s' of the thre buthtis vndir the tolbutht quhile the next generale assedacion and thane thai grantit him ane demi nethis fischingis of the furdis maile and grissome fre to him and his assignay and ane mark of ane of the saide buthtis yerlie and to be taxt fre ffor the quhilkis the said Dauid and his assignay sale deulie bige reforme and vphald ther said knok be sicht of the tone as efferis

Curia balliuorum legalis de Abirdene tenta in pretorio eiusdem ix die mensis Decembris Anno quo supra

lammyntone ros' The saide day comperit patrik ros' and margaret fechat his spous' befor the aldirman and balyeis as day assignit to thame one that ane parte Ande Jonhne lammyntone one that vthir parte anent ane annuele Rent of xxiij s' And' in continent the saide Jhone' presentit ane lettir of our Souerane lordis to the aldirman and balyeis to cal the saide partiis befor thame and minster Justice equaly to batht the partiis herfor the aldirman ande balyeis assignit the law day eftir yule to the said partiis and warnit tham to be thar the saide day and thai suld' minster iustice equaly to the partiis forsaid' In the premiss'

Curia balliuorum de Abirdene tenta in pretorio eiusdem xxijo die nouembris anno quo supra

yonge the saide day the aldirman assignit to William yonge for the kepin of the ferdinge xx s' left be James andirson to the kirk werk and demi merk of part of the thinge left be vmquhile Wil fywe Jonhne thomson to the said' werk