stronoche the saide day patrik adamsone was lauchfullie callit to entir William scherar as he that come Souerte to Entir him befor the aldirman and balyeis to ansuer to the borghe' strekit apon' the said' William be the procuratouris of Jhone Stronoche burges of montros' for the wranguis' withhaldin fra him of the vaile of fiwe rinsche guthtlingis as lent siluer eftir the tenor of his obligacion quhilk comperit nocht quharfore the balyeis chargit Androw nachty officiar to pas' and tak ane stres' of the saide patrik and lat it to borghe gif It be askit and warne him to Entir the said' William befor the balyeis this day xv dais as secunde day of proces' to ansuer to the said' borghe

malisone the saide day it was appontit betuix Jonhne malison one that ane part Ande Dauid beuerlay one that vthir parte as eftir followis that is to say the saide Jhone sal pay to the saide Dauid vij s' and vjiij d' and he sal deliuer him the caldrone laide in wede be marion' glenny and the said Jhone hes remittit him the occupeinge of the said caldron' and to occupy it quhile It be redemyt fra him

Curia legalis balliuorum bugi burgi de Abirdene tenta in pretorio xvij die Octobris Anno quosupra

gray The saide day William gray was quyt of demi quartar of lynt be ane assis' followit be Jok blabir

balcromy nege the samyn day mege marion' balcromy was in Amerciament of the Court for the strubulance of thomez Jamesone in execucion of his office and to Amend' as law will and forber to Cum And' gif euer scho offendis till him or tile ony wthir officiar In tyme to Cum scho sal pay x s' to Sanct nicholes' werk vnforgevin quhilk was ordanit be the assis'