The saide day comperit Williame of chamer skippar of ane schip callit the peter pertening to george of Corntone follouit Williame' scleiche for the fraucht of Certane salmond' laide In the saide schipe quhilkis fraucht the saide Williame scleiche deny and allegit he awthe nocht to pay the saide fraucht bot gif his gudis hed bene furit to leithe Ande incontinent the saide actione with consent of batht the partiis was put to the decisione of ane assis' quhilkis riplie avisit the richtis of batht the partiis herd and vndirstandin the gret bodely aithe suorne deliuerit be the moutht of Alexander rede talisman of the saide assis' that the saide William scleitht sal content and pay to the said' William of chamer haill fraucht for the gudis that he laide in the said' scheip Ande gif scho beis mendit scho sal fuyr his gudis to leithe Ande he will thoill thame reman' quhile scho be mendit

Curia balliuorum tenta in pretorio xix die Octobris Anno quo supra

the saide day it was gevin for dome be warde of the court that Dauid prat wranguislie haldis xx s' fra thome narne for ane cow and aw to pay him the saide Siluer and resaue his cow

Curia balliuorum burgi de Abirdene tenta in pretorio eiusdem xxo die octobris Anno quosupra

the saide day Androw murray eldar grantit and oblist him to ger his sone resinge and ourgif the sesin of the croft that he sauld' to thome prat in ane balyeis handis and Sele the chartir with his sonis seile but fraude and gile