In the balye court of Abirdene haldin the xiij day of June the yer' forsaid' et cetera Jonhne low was lauchfullie callit and nocht comperit to ansuer' to the borghe strekit be William philp tharfor the balyeis chargit philp Dunbrek seriand' to pas' and tak ane distres' fra the saide Jonhne and lat it to borghe and it be askit and warne to comper this day xv dais to ansuer to the saide borghe as the secunde day of proces' and to her the witnes producit that day suorne to depone in the said' action' with intimacion' quethir he comper' nocht et cetera thar deposicionis wilbe takin

the samyn day comperit sere Jonhne ruthirfurde aldirman and complenyet to the balyeis Sittande in Jugement that Jonhne Watsone wranguislie and agan the law hede maide wrange rehers' apone him and distrubulit him sayand' that he hede takin avay demi a pety quartar of Salt of his fra the key at his avne hande quhilkis he wald nocht Sustene for vc lib' and the saide Jonhne beinge accusit be the balyeis denyit the saide strubulance and in continent it was put to the decision' of thir personis vndir writin chosin with batht thar consentis and opinly suorne in ane assis' in thar presence that is to say Jonhne Colisone alexander rede thomas prat alexander mar' Dauid matheson Wat auchneyve Dauid prat Robert Crage William fuchis William andirson' Richerde hile murtho glenmaluyn James Colison' Androw murray yongar' ande Symon gardin' quhilkis riplie auisit the richtis resonis and allegacionis witnes in presens of batht the said partiis herd seyne and vndirstandin deliuerit be the moutht of the saide Alexander rede forspekar of the saide assis' that thai coud' nocht acquyt the saide Jonhne Watsone of the wranguis' rehers' makinge distrubulinge ande dispersoning of the aldirman for the quhilkis the saide Jonhne was in Ane amerciament of the court and til Amende to the aldirman as law will and to forber in tyme to cum and gevin for dome be the moutht of Jonhne Williamson' dempstar of the Court

crage The saide day henryk crage was fundin quyt be ane Suorne assis' thomas prat forspekar' of xxxtj Inglis' grotis follouit be Alexander glenny and the saide Alexander in ane amerciament of the court for the wranguis' borghe' strekin apon the said' henrik and he quyt of his challance of the said' xxx Inglis' grotis

Curia balliuorum tenta in pretorio burgi antedicti xvjo die mensis Junij anno quo supra

Curia balliuorum burgi de Abirdene tenta in pretorio eiusdem xxiij die Junij Anno quo supra