Jonhne menyes and William Kintor anent the contrauersy and debate of Certan gudis takin be mene of weire quhilkis sulde lott or nocht In the first iiijor puncionis of wyne lottis the wenis drunkin be mene of wer lottis the demi pip of the mastiris wyne lottis quhilk was drunkin be the mene of weire Al gudis beinge vndir the ourloft avand' fraucht to the skippar lottis Anent the iij barrelis saip sauld' alsmekile as was gevin for the redschip of the hale schip and gudis suld' lott quhilkis we refer to the writ Al gudis abevne the ourloft lottis nocht Alsua othir the schip or the fraucht at the merchandis will quhilk ples' tham best suld' lott Item the ij barrel of Saip sauld' be thomas farquhar lottis nocht bot gif it may be present it be spendit apon' the profit of the schip and gudis

Curia balliuorum burgi de Abirdene tenta in pretorio eiusdem pennultimo die maij anno quo supra

lammynton the saide day Jonhne lammyntone was quyt be ane assis' of the xxvj s' g' and iij g' waringe follouit be patrik andirson' and the said' patrik in Amerciament of the court for the wranguis' borghe strekin' tharanent

bannerman the quhilk day Comperit Symon bannerman of ailseike and follouit Jonhne fraser of Stanywode xx barrelis of meile and malt and iiijor markis of Siluer of the fermis of torrinschow be ane borghe quhilk the said Jonhne denyit and the said borghe was put to ane suorne assis' quhilkis riplie avisit deliuerit and fande the saide Jonhne fraser avand' to the saide Symon' be his avne tonge gravnt xvij barrelis of meile and malt ande fiwe merkis of Siluer Ande gif the said Jonhne may preif ony thinge pait herof to the saide Symon' it salbe allowit in the saide Jonhne Some to him quhilkis was deliuerit be the moutht of thomas chamer forspekar of the saide assis' Ande philp Dunbrek seriande at commawnde of the balyeis chargit the saide Jonhne be his wande to remane within the tolbutht quhill he fande Souerte to pay the saide Somez within terme of law

the samyn day Jonhne lammyngtone protestit that the occupacion' of ane rige liande in futy be Jonhne colisone pertening to him as he allegit suld' turne him to nay preiudice