Curia balliuorum tenta in pretorio quinto die marcij Anno quosupra

the samyne day it was fundin ande deliuerit be ane suorne assis' alexander chamer forspekar that Jonhne Duncansone of banf sal fre and releyfe mastir Dauid mathesone of ane barrele of Salmond follouit be mastir Androu cadiow procuratour to Walter ogiluy of auchlevyne And thareftir thomas Jamesone seriande to remane within the tolbutht quhile he fande Souerte to freithe the saide Dauid of the said barrele of Salmond and of al skathis that happinnis the saide Dauid to sustene tharthrow

Wodman the saide day it was fundin ande sufficientlie preuit that Androu lammyntone ande Jonhne of lamyntone sal freithe releyf ande keipe thome Wodman skathles anent xxxiij peter of woll ande xvi s' of Siluer for the quhilkis the saide thomas come Souerte to Androw murray for thame in the nayme of cowy Jonhnesone the quhilk covy Jonhnson was oblist be the fatht of his body to keipe the saidis Jhon' and Androw skathles tharanent and to pay the saidis woll and siluer

mair Ande thai sal set Souerte to the avnaris to ansuer for alsmekle' fraucht as the avnaris may optene of thame be the wattir law in the feire or the moy ande to be pait as the schipe was frauchit ande as the money yeyde in the tyme scho was frauchit vpone the quhilkis Robert blinsele askit Instrument vndir the Secret Sele befor thir witnes alexander menyeis alexander chamer yongar thomas prat James of leslie Richerd Waus and vthir diuers'

the saide day Williame tulidef mastir Richerde craufurde Jonhne moire ande Robert of crage was chosin arbitouris ande amicable' compositouris and androu culane eldar ourman suorne anent ale comptis rekningis and debatis clamis ande controuersiis debatabile betuix James colison one that ane part Ande androu culane yongar one that vthir part to the day of the making of this ak ande the saide partiis oblist and suorne to abid and stand at thar deliuerance And thai to deliuer decret and giffurtht thar finale sentence and decret tharanent betuix this and sonday next eftir follouing or the sone gaing to of that Ilk