penes naulum de hulk The samyn day it was fundyne ande deliuerit be ane suorne assis' be the moutht of thomas fyf forspekar that anent the debate of the fraucht of the hulk betuix the merchandis ande avnaris that the merchandis sal resaue thar gudis that was ladyne in the said schipe quhilkis sal be sett quhat is ane sak quhat half ane sek quhat les' or quhat mair Ande thai sal set Souerte to the avnaris to ansuer for alsmekle' fraucht as the avnaris may optene of thame be the wattir law in the feire or the moy ande to be pait as the schipe was frauchit ande as the money yeyde in the tyme scho was frauchit vpone the quhilkis Robert blinsele askit Instrument vndir the Secret Sele befor thir witnes alexander menyeis alexander chamer yongar thomas prat James of leslie Richerd Waus and vthir diuers'

the samyn day alexander of mar comperit with Wille crage his seruande and with his witnes offering thame redy to vndirly the law anent the strubulance betuix the saide William and patrik andirson'

The samyn day Williame of gareache eldar falyeit in his preif anent the fraucht of tua barrelis clamit fra Williame Wormet and the said Wilyeam quyt of his challance

the samyn day the balyeis assignit this day xv dais to thome of mar to ansuer to thomas quhit as law wile tueching the clame of ane pipe of wade

The saide day Jonhne colisone lauchfullie warnit callit and comperit to ansuer' tile ane borghe strekit apone him be Williame blinsele for the wranguis' haldin fra him of ane letter vndir his Sele concerning his landis of angelwele and ij lange riggis eftir the tenor of the saide borghe allegit that the saide landis was his fee ande heretage ande the saide letter was his chartir ande warandice of the samyn landis tharfor he aucht nocht to ansuer to the said borghe allegeand' that the aldirman ande the balyeis was nay Juge to his fee and heretage but ane preceptor of our Souerane lordis quhilkis partiis being remouit the Court riplie and wele auisit ordande the saide Jonhne to schew his possessione of the said landis And thareftir the saide Jonhne' schew his chartir ande preuit his possession' Ande the aldirman and balyeis procedit nay forthir in the said matir ande referit it to the law befor the Juge quhome it efferis