In the bailye Court of abirdene haldin' the xx day of februar the yer forsaide / the merchandis ande frauchtismene of the hulk one that ane part Ande Robert blinsele ane of the avnaris of the samyn one that vthir parte ar content that thir personis vndir writyne that is to say Jhone Wormet Dauid mathesone thome prat Willekin lichthernes Adrian olynsone skippar of the bus' Dauid menyes eldar Jonhne Waus in futy James peter the skippar of the litilbus' alexander menyes Jonhne gilespy Androu murray eldar Adrian philpson' Jonhne low Dauid prat and henrik of the barbora be warnit to comper befor the aldirman and balyeis one friday that next cumis to decide eftir thar aithis how mekle' fraucht thai ar avande to the said robert for thar gudis ladyn' in the saide schip / batht the saide partiis havand preuilege tile excep agan the saide personis the saide day And the said Robert is content herof say that it do nay preiudice to the layf of his avnaris

Duffous The saide day Williame of gareache eldar grantit that he trouyt Dauid Duffous' wantit ane barrele of meile that was laide in the hulk

Jofrason' the samyn day James Jofrasone be his avne tounge grant was conuikit for forstalling of the burghe' in woll skynnis ande regratinge and tile amende as law wile and forbeire in tyme to Cum

Curia balliuorum tenta in pretorio xxvio die februarij Anno quosupra

red mar the samyn day the aldirman ande balyeis with avys' of the haile courte assignit tuysday that next cumis the secunde day of marche as day of peremptoure to thomas mar' tile ansuer tile ane borghe strekit apon him be alexander rede in the handis of philp Dunbrek seriande that the said thomas suld gif him alsmekile for his serplar of woll as ony gaf of the rays' siclik gude and sicklik wecht with the quhilk serplar he wranguislie intrometit and wrangis and he do it nocht Ande thai discernit the copy of the said borghe to the saide thomas