Curia tenta per balliuos de abirdene in pretorio eiusdem xo die Decembris anno et cetera lxxxv
Curia legalis burgi de abirdene tenta per balliuos in pretorio eiusdem xijo die mensis Decembris anno predicto /
quo die Willelmus more calumpniavit Willelmum portar tanquam debitorem pro nobili domino magistro de huntle pro iniusta detencione iiijor libre pro mercimoniis et denariatis receptis ab vxore eiusdem Willelmi more vnde Willelmus portar peciit diem legalem ad respondendum Willelmo more super dicta summa vt acquirat principalem debitorem negando quod deuenit debitor vxori Willelmi more pro huiusmodi summa / et ballivi / ad respondendum assignauerunt Willelmo portar diem Juridicum post festum nativitatis Domini nostri
Copia Nouerint vniuersi et singuli presentes litteras inspecturi nos prepositum balliuos consules communitatem burgi de Abirdene teneri ac fidemedia firmiter obligari excellentissimo immitissimo principi Jacobi dei gracia Regi nostro Scotorum illustrissimo in summa decem lastarum salmonum bonorum et legalium piscium et sufficientis mensure dicti burgi pro quadam certa pecunie summa nobis fideliter persoluta Soluendarum et duce domino deliberandarum apud dictum burgum de abirdene ad festum ad vincula Sancti petri proximum et immediate futurum post datam presencium sine vlteriori dilacione / quibuscumque factoribus aut cuicumque factori pluribus aut vni eiusdem excellentis principis et Regis nostri illustrissimi prelibati Regnj incolis seu quibuscumque aliis personis mercatoribus ciuibus et eorum deputatis uel deputandis vbilibet infra Regnum Anglie francie flandrie holandrie zelandrie vel quarumcumque aliarum parcium vltra marinarum limites de gentibus cum quibus contigerit quemcumque nomine factorio prefati domini nostri Regis excellentissimj personis agendis merces contrahere / et contrahendo dictos salmones statuto et preordinato tempore deliberandos fore promittere absque qualicumque impedimento in contrarium opponendo per nos aut nostros quomodolibet in futuro Ad quam quidem solucionem dictarum decem lastarum salmonum bonorum et legalium piscium sufficientis que mensure ad tempus preaffixum in dicto burgo quibuscumque personis factorio nomine Supremj domini nostri Regis ante dicti Regnj incolis aliis ve mercatoribus ciuibus et eorum deputatis in Regno Anglie parciumque vltra marinarum quarumcumque limitibus commorantibus ut prefertur bene et fideliter fiendam complendam et integraliter satisfaciendam obligamus nos et nostrum quemlibet coniunctim et divisim ac omnia bona nostra mobilia et immobilia presencia et futura in strictissima obligacionis concipiende forma omnibus dolo et fraude penitus a motis et seclusis In cuius rei testimonium nostrum Sigillum communem presentibus est appensum apud dictum burgum de Abirdene penultimo die mensis nouembris anno Domini millesimo CCCCmo octuagesimo quinto
Item the said William more is ordanit be ane sworne assise topay til James colison vj s' acht til him within terme of law