Showing 19261 to 19265 of 30393 results

Item it is ordanit be the aldirman and counsale that na nichbur' or induellar' of this burgh sal refuse totak plakkis for payment vnto the tym that thai here and be certifeit that thai be cryit downe vndir the pane of the vnlaw tobe rasit but fauouris / and tobe applijt to the organys

ID: ARO-6-0921-01, Volume: 6, Page 921, Date: 1485-05-06

andreas litstar The x dai of maij the yer' of god et cetera lxxxv Androw litstar' the son of vmquhile Jhone litstar' burges of abirdene Comperit before the ballies in Jugement and askit tobe kend and assignit til a land liand in the castelgate on the north syde of that ilke betuix the land of Jhone chepman on the west part / and the land of alexander Watson on the eist part / pertening til him heritably be the deces' of his said fadir / wppon the quhilk the ballies avisit a diligent Inquisicion beand made the said ballies eftir the said Inquisicion passit to the said land / token the said androw to the samyn as law of burgh schawis . And the saidis ballies tuke Richart litstar souerty and the said land baith that gif ony eldar ayr lachful com eftir him toclame the said land that the forsaid land suld be furthcumand to the lachful ayr quhatsumevir his rycht beand knawyn and the knawlage made til him suld be na preiudice til the lachful ayr gif ony vthir beis And that the said androw in the menetyme sal nothir sel wedset nor analy the said land quhil it be notourly knawin that thar be nane ayr than he And gif he dois tobe of na force nor effect et cetera

ID: ARO-6-0921-02, Volume: 6, Page 921, Date: 1485-05-10

The thrid dai of Junij the yer' of god et cetera lxxxv Alexander of chavmer yungar' is becumin souerty be the faith of his body in presence of the aldirman and ballies in Jugement that mariory the spous' of vmquhile alexander stokar' salbe scathles and vnvext of twa chartiris deliuerit be hir' til alexander liel a chartir of the land liand in the ovirkirkgate of the quhilk scho has Junctfeftment and the tudir chartir of viij s' of annuel the tempilland liand beyond the Denburn brig

ID: ARO-6-0922-01, Volume: 6, Page 922, Date: 1485-06-03

procuratorium Androw murison has constitute and ordanit thomas of chavmer his procuratour til persew and recovir a meyr analiit fra him the quhilk meyr Robert yungar of achincloich has intromettit with and haldis / the said androw haldand ferm and stabil et cetera

ID: ARO-6-0922-02, Volume: 6, Page 922, Date: 1485-06-03

Item the assise has ordanit that Androw goldsmyth sal pay til Janet of lesly the spous' of patrik strathachin xvj s' for the price of a siluer belt within lachful tyme And the said Janet has constitute James lesly and androw culan eldar hir procuratouris coniunctly and seueralie to ressaue the said payment fra androw goldsmyth and gif nede be to ger pryis' his gudis for the samyn

ID: ARO-6-0922-04, Volume: 6, Page 922, Date: 1485-06-04